Estitxu Fernandez

Estitxu Fernandez
	; Irudi gehiago
Bizitza
Jaiotza	Lesaka, 1975eko azaroaren 2a (48 urte)
Herrialdea	Nafarroa Garaia, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	bertsolaria eta kazetaria
Jasotako sariak	ikusi Tene Mujika saria (2021) ;

Estitxu Fernandez Maritxalar (Lesaka, Nafarroa, 1975eko azaroaren 2a) telebista-aurkezlea, kazetaria eta idazlea da. Psikologia ikasketak egin ditu. Gainera, bertsolaritzan aritu izan da.

Bizitza

Bertsotarako zaletasuna familiatik datorkio, aitaren aldetik Saibururen birbiloba eta amaren aldetik Markos Maritxalarren iloba da.^[1] 90koen hamarkadan Nafarroako Bertsolari Txapelketan 8 aldiz parte hartu eta 1996, 1997 eta 1998ko finaletan kantatu zuen. 1997ko Bertsolari Txapelketa Nagusian ere parte hartu zuen.

Psikologo lanak utzi eta Euskal Irrati Telebistan lan egiten hasi zen. 2000ko eta 2001eko udetan, ETB 1eko Su Festa telebista-saioa aurkeztu zuen; eta 2001ean, Sorginen laratza telebista-saioa, Xabier Euzkitzerekin eta Klaudio Landarekin batera. Urte horretan ere, Bertatik Bertara saioa aurkeztu zuen, Andoni Aizpuru ordezkatuz. 2002an Bexamela telebista-saioan agertu zen, eta urtebete geroago, 2003an, Bizizaleak saioan. Ondoren, igande goizetako Kirolez Kirol telebista-saioa, Gaur egun albistegietako kirol-tartea eta Euskadi Irratiko Tartaria irratsaioa aurkezten zituen. 2007ko Gaboneko 2007ko Euskal Kantuen Gaua aurkeztu zuen Julio Ibarrarekin.

Urtea	Izenburua	Katea	Oharrak
1998-1999	Berriak	Ttipi-Ttapa Telebista	Aurkezlea
1999-2004	Bertatik bertara	ETB 1	Gonbidatua (1999-2000), kolaboratzailea (2000-2002) eta aurkezlea (2003-2004)
2000-2001	Su Festa	ETB 1	Aurkezlea
2000	Jaiak 2000	ETB 1	Aurkezlea
2001	Jaiak 2001	ETB 1	Aurkezlea
2001-2003 2004-2006	Sorginen laratza	ETB 1	Kolaboratzailea / Aurkezlea
2002	Euskadi Irratia 20 urte	ETB 1	Gonbidatua (atal 1)
2002	Jaiak 2002	ETB 1	Aurkezlea
2002-2003	Bexamela	ETB 1	Aurkezlea
2003-2004	Bizizaleak	ETB 1	Aurkezlea
2004-2005	Kaixo 2005	ETB 1	Urte amaierako kanpaikadak
2006	Umezaina (Supernanny)	ETB 1	Aurkezlea
2006	Euskal Kantuen Gaua 2006	ETB 1	Aurkezlea
2007	Euskal Kantuen Gaua 2007	ETB 1	Aurkezlea
2008	Euskal Kantuen Gaua 2008	ETB 1	Aurkezlea
2010-2011	Arratsaldero	ETB 1	Aurkezlea
2010	Euskal Kantuen Gaua 2010	ETB 1	Aurkezlea
2011	Anitzele	ETB 1	Gonbidatua (atal 1)
2011	Euskal Kantuen Gaua 2011	ETB 1	Euskal kanten popurria (ETBko aurkezleak)
2012	Hitzetik Hortzera	ETB 1	Gonbidatua (atal 1)
2012	Nomada express	ETB 1	Aurkezlea (atal 1)
2012	Euskal Kantuen Gaua 2012	ETB 1	"You shook me all night long" (Sorginen laratza lantaldea)
	Kirolez kirol	ETB 1	Aurkezlea
2009-?	Gaur egun Kirolak	ETB 1	Aurkezlea
2021	Biba 2022ǃ	ETB 1	Gabonzahar gaueko saio berezia

M ama eme ume, Tene Mujika bekari esker, Erika Lagomarekin elkarlanean, 13 emakumeren bizipenetan oinarrituta idatzitako liburua.^[2]^[3]
Sortze berri bat. Indarkeria obstetrikorik gabea ^[4]^[5]

↑ Bertsolari aldizkaria 27. zenbakia, 1997
↑ SL, TAI GABE DIGITALA. (2022-05-05). «‘M ama eme ume’: amatasunen erraietan arakatu dute Estitxu Fernandezek eta Erika Lagomak» naiz: (Noiz kontsultatua: 2022-05-06).
↑ «"Amatasunaren bizipenak ez du zertan itogarria izan, sistema da amatasunari bizkar emanda dagoena" - Durangaldea» Anboto.org (Noiz kontsultatua: 2022-05-13).
↑ www.funtsak.com, Funtsak-Diseño y Programación Web-. «Sortze berri bat - Estitxu Fernandez Maritxalar» www.txalaparta.eus (Noiz kontsultatua: 2023-11-02).
↑ SLU, Herritar Berri. (2023-10-19). «Estitxu Fernandez: «Indarkeria obstetrikoa indarkeria matxista da»» GAUR8 (Noiz kontsultatua: 2023-12-06).