NBA All-Star Weekend

NBA All-Star Weekend (euskaraz literalki: NBAko Izar Guztien Asteburua) urtero NBA saskibaloi ligaren erdialdeko asteburu batez ospatu ohi den kirol ikuskizun-ospakizuna da. AEBko nahiz mundu osoko kirol hedabideetan jarraipen eta ohiartzun handia izan ohi du.

Ekitaldiak

Honako ekitaldi eta lehiaketa hauek osatzen dute:

Ostiralez

Jam Session: Zaletuei bereziki eskeinia, bertan jokalariak aurrez-aurre ezagutu eta haien sinadurak bil ditzakete.
NBA All-Star Weekend Celebrity Game: NBAko jokalari ohiez, WNBAko emakumezko jokalariez, aktoreez, musikariez nahiz beste kiroletako kirolariez osatutako bi saskibaloi talde lehiatzen dira.
Rookie Challenge: Rookie edo hasiberrien (NBAn lehen denboraldia duten jokalariak) eta Sophomores (NBAn bigarren denboraldia daramaten jokalariak) jokalarien arteko partida.
D-League Dream Factory Friday Night: 2008tik ospatzen da, birrintze, hiruko eta H-O-R-S-E lehiaketek osatzen duten gaualdeko ikuskizuna da.

Larunbatez

Slam Dunk Contest: Birrintze lehiaketa, erabateko ikuskizuna, asteburu honetako hiru lehiaketa ikusienetakoa da.
Three-Point Contest: NBAko hiruko jaurtitzaile onenen arteko lehiaketa, asteburu honetako hiru lehiaketa ikusienetakoa da.
Skills Challenge: jokalarien arteko trebezia lehiaketa, oinarri postuko jokalariak lehiatzen dira, euren abiadura, baloi maneiua eta arintasuna ikusgai jartzen dute.
Shooting Stars: NBAko jokalari ohi batek, WNBAko emakumezko jokalari batek eta jokalari mitiko batek parte hartzen duten jaurtiketa lehiaketa da.

Igandez

All-Star Game: Ekialde eta Mendebaldeko konferentzien arteko partida nagusia.
MVP Saria: Aurreko partidako jokalari onenari ematen zaion saria da.

Kanpo estekak

Datuak: Q949872
Multimedia: NBA All-Star Weekend / Q949872