Edukira joan

Slavutytxeko gudua

Koordenatuak: 51°31′14″N 30°45′25″E / 51.5206°N 30.7569°E / 51.5206; 30.7569
Wikipedia, Entziklopedia askea
Slavutytxeko gudua
Ukrainako inbasioa (2022)
Data2022ko martxoak 18 – martxoak 27
LekuaSlavutytx, Kiev Oblasta (Ukraina)
Koordenatuak51°31′14″N 30°45′25″E / 51.5206°N 30.7569°E / 51.5206; 30.7569
EgoeraUkrainak irabazi
Gudulariak
 Errusia

 Ukraina

Buruzagiak
ezezaguna Ukraina Oleksii Vysotsky
Ukraina Oleksandr Koval
Indarra
Errusiako Indar Armatuak

Ukrainako Indar Armatuak

Galerak
ezezaguna 4 soldadu hil
2 zibil zauritu

Slavutytxeko gudua 2022ko Ukrainaren inbasioaren parte izandako Kieveko erasoaldian gertatutako gudu militar bat izan zen, Slavutytx hiriaren kontrola helburua zuena, Txernobilgo Bazterketa Eremuko langileentzat horretarako eraikitako kokagunea. Errusiako Indarrek hiria erasotu eta setiatu zuten 2022ko martxoan zeharreko bederatzi egunetan zehar, ukrainar defendatzaileak hiritik kanpo bultzatuz. Konotopen bezala, errusiarrek Ukrainako agintariekin adostu zuten hirira ez sartzea, bizilagunek errusiar indarrei zein okupazioari aurka ez egitearen truke.

Denbora-lerroa

[aldatu | aldatu iturburu kodea]

Hasiera-setioa eta krisi humanitarioa

[aldatu | aldatu iturburu kodea]

Errusiako Indarrek Slavutytx inguratu zuten martxoaren 18an, hiria setiatuz eta hiritik kanpoko janari eta sendagai guztien sarrera moztuz.[4] Hiriko elektrizitate-hornidura eten zen; honi erantzunez, Ukrenergoko langileek kaltetutako elektrizitate-lineak konpondu zituzten, hiria berriro konektatzeko. Orduan, Errusiako Indarrek berriro kaltetu zituzten linea horiek. Hiriaren kanpoaldean, gainera, segurtasun-kontrolak jarri zituzten, nahiz eta hiritik zibilak ebakuatzea ezinezkoa izan.[5]

Borrokak areagotu egin ziren Slavutytx-eremuan martxoaren 23an, Errusiako Indarrek hiriaren kanpoaldeko segurtasun-kontrol batean tiro egin ostean.[6] Slavutytxeko aldirietako bonbardaketek hurrengo egunean jarraitu zuten ere, setiatutako hiriaren barne-baldintzekin "hondamendi humanitario" gisa deskribatzen ziren bitartean.[7] Martxoaren 25ean, frankotiratzaile errusiarrak hirian infiltratu zirela jakinarazi zuten; ondorioz, Slavutytxeko Udalak etxeratze-agindua ezarri zuen, bizilagunei hirian zehar mugitzea debekatuz.[8]

Gudu-amaiera eta Errusiaren erretiratzea

[aldatu | aldatu iturburu kodea]

Martxoaren 26an, Errusiako Indar Armatuak Slavutytxen sartu ziren aurkaririk gabe, kanpoaldeko kontrol-gune armatuak eraso ostean. Errusiako Indarrek hiri-ospitalea bereganatu zuten lehenik. Errusiako tropek Juri Fomitxev, Slavutytxeko alkatea, bahitu zutela jakinarazi zuten orduan; hala ere, Fomitxev handik gutxira kaleratu zuten, Errusiako inbasioaren aurka egun horretan bertan hiri-plazan egin zen protesta-elkarretaratze bat gelditzeko,[9] non hiriko 5,000 bizilagun baino gehiagok hartu zuten parte.[10] Tropa errusiarrek protesta abisu-tiroak jaurtiz eta jendetzara flash-granadak jaurtiz eten zuten, non, gutxienez, zibil bat zauritu zen.[11] Flash-granadetatik ihesi zihoazen manifestarien irudiak sarean zabaldu ziren nazioartean; izan ere, zibilen protesta-elkarretaratze baketsu baten aurkako erasoa balizko gerra-krimen bat izan daiteke.

Protesta-agerraldian, Slavutytxeko alkateak hiri barruan indar militarrik edo armarik ez zegoela ziurtatu zien Errusiako Indarrei; ondorioz, erretiratu behar zirela esan zuen.[12] Honi erantzunez, Errusiako Indarrak hirigunetik hiriko kanpoaldeko auzoetara erretiratu ziren.[13]

Slavutytxeko alkateak onartu zuen errusiar indarrek hirian armak bilatzeko baimena eman ziela, lehen hauek hiritik erretiratzea ados zezaten. Prozesu hau martxoaren 27an amaitu zen, eta, ondorioz, Errusiako tropak Slavutytxetik irten ziren.[3] Ondoren, korridore humanitarioak ezarri ziren, hornigaiak eta laguntza humanitarioa hirian sartu ahal izateko eta zibilei, bederatzi egunetan lehen aldiz, ebakuatuak izateko aukera emateko.

Erreferentziak

[aldatu | aldatu iturburu kodea]
  1. ↑ https://www.washingtonpost.com/world/2022/03/26/slavutych-chernobyl-occupied-ukraine-russia/
  2. ↑ https://www.reuters.com/world/europe/russia-withdrawing-some-troops-kyiv-region-governor-2022-04-01/
  3. ↑ a b (Ukraineraz) «Російські окупанти залишили Славутич» Interfax Україна 28 March 2022.
  4. ↑ (Ukraineraz) СЛАВУТИЧ, ПОНЕДІЛОК. (14 March 2022). «Славутич повністю ізольований і потребує продуктів харчування, - ОВА» РБК-Україна.
  5. ↑ (Ukraineraz) «ЧАЕС та Славутич знову без електрики. Окупанти пошкодили відремонтовану лінію» Liga.net 14 March 2022.
  6. ↑ (Ukraineraz) ТИЩЕНКО, КАТЕРИНА. (23 March 2022). «Київщина: росіяни обстріляли блокпост у Славутичі, місто заблоковане» Українська правда.
  7. ↑ (Ukraineraz) «Місто-супутник ЧАЕС. Російські окупанти намагаються штурмувати Славутич» nv.ua 24 March 2022.
  8. ↑ (Ukraineraz) «У Славутичі суворо заборонили цивільним пересуватися містом: яка причина» TSN.ua 25 March 2022.
  9. ↑ (Ukraineraz) БАЛАЧУК, ІРИНА. (26 March 2022). «У Славутичі є поранені, але мера окупанти відпустили» Українська правда.
  10. ↑ (Ukraineraz) РОЩІНА, ОЛЕНА. «Мер окупованого Славутича: Компромісів не було, росіяни поставили одну умову» Українська правда.
  11. ↑ (Ukraineraz) Орлова, Віолетта. (26 March 2022). «Танки РФ ввійшли у Славутич: містяни зібралися на проукраїнські протести» unian.ua.
  12. ↑ (Ukraineraz) Комісарова, Олександра. (26 March 2022). «Окупанти РФ відпустили мера Славутича, він розповів про "домовленості"» PublicNews.
  13. ↑ (Ukraineraz) «Загарбники вийшли з центру Славутича і стоять на околицях» ukrinform.ua 26 March 2022.

Kanpo estekak

[aldatu | aldatu iturburu kodea]


"https://eu.wikipedia.org/w/index.php?title=Slavutytxeko_gudua&oldid=9535342"(e)tik eskuratuta