Varberg

Varberg Gearradh-arm no Seula
Suidheachadh
Dùthaich	An t-Suain
Ceàrn	Halland
Sgìre	Hallands län
Co-chomharran	57° 06 32′ Tuath 12° 15 01′ Ear
Feartan fiosaigeach
Farsaingeachd	13.35 km²
Àireamh-shluaigh	27,602 (2010)
Dlùths	2,067.57/km²
Àireamh fòn	(+46) 0340
Duilleag oifigeil	http://www.varberg.se/

‘S e baile meadhanach agus port ann an ceann a deas na Suaine a th’ ann an Varberg. Tha e suidhichte eadar Halmstad agus Göteborg, faisg air an leth-eilean Getterön - a bha na eilean gu ruige 1936 - ri taobh na Kattegat, san sgìre Hallands län, 421km air falbh bho Stockholm, 438km bho Uppsala agus 1,078km bho Luleå. Tha 27,602 duine a' fuireach ann. Chaidh am baile a stèidheachadh ann an 1062.

Freumhan an ainm

Tha e coltach gur ann à dà fhacal ann an Lochlannais: vård (faire) agus bœrgh (dùn) a tha an t-ainm. Bheireadh sin Dùn na Faire dhuinn sa Ghàidhlig agus Wardburgh ann am Beurla Ghallta an latha an-diugh.

Eachdraidh

Bha cath-mara ann, air an robh Cath Niså, thar na costa an seo ann an 1062, eadar rìghrean na Danmhairge agus Nirribhidh. Chaidh am baile fhèin a chlàradh airson a' chiad turais ann an 1343 mar villa Getakir. Thogadh daingneachadh air an dùn mu 1280, mar phàirt sreath dhìona air a' chosta. Ghluaiseadh meadhan a' bhaile dhan àite far a bheil e an latha an-diugh mu 1400, nuair a bha trioblaid mhòr ann leis an t-Suain, a bheireadh ionnsaigh daonnan air Varberg. Bha an seo bho 1462 gu ruige An Ath-Leasachaidh ann an 1531. Ann a 1645 thug an t-Suain seilbh air Varberg mar phàirt a' Chòrdaidh Bhrömsebro. Chaidh am baile na smàl ann an 1666. Dh'fhàs am baile bho 1880 a-mach air sàilleabh gu robhar a' togail taighean-gnìomhachais faisg air an rèile gu Borås.

Daoine ainmeil

• Vera Schmiterlöw (1904 - 1987) Actair.

Ceanglaichean a-mach

• Riaghaltas na Sgìre