Par cranial

Os pares craniais ou nervios craniais son un conxunto de doce pares de nervios pertencentes ó sistema nervioso central.

Nervios craniais
Vista inferior do cerebro e tronco do encéfalo amosando os nervios craniais. Unha versión sen lendas pódese descargar aquí
Latín	nervus cranialis (plural: nervi craniales)

Nervios craniais
CN I - Olfactorio
CN II - Óptico
CN III - Oculomotor
CN IV - Troclear
CN V - Trixémino
CN VI - Abducente
CN VII - Facial
CN VIII - Vestíbulococlear
CN IX - Glosofarínxeo
CN X - Vago
CN XI - Accesorio
CN XII - Hipogloso

Características

Diferenciánse doutros nervios en que non saen da medula espiñal. Estes nervios dirixen a información en dous sentidos: do sistema nervioso central a músculos ou glándulas, e dos diversos territorios cara ó sistema nervioso central. Certos autores falan dun décimo terceiro par cranial, pero é moi discutida a súa existencia.

Son os principais responsables das diferentes vías de sensibilidade.

• I par cranial: nervio olfactorio. Responsable da vía olfactiva.
• II par cranial: nervio óptico. Vai da retina ó quiasma e outras estruturas do sistema nervioso central.
• III par cranial: nervio motor ocular común ou oculomotor. Move a maior parte dos músculos do ollo.
• IV par cranial: nervio troclear ou patético. Move o músculo oblicuo maior.
• V par cranial: nervio trixémino. Recolle a información sensitiva da faciana e leva motora para a mastigación.
• VI par cranial: motor ocular externo ou abducente. Leva información motora para o músculo recto externo do ollo.
• VII par cranial: nervio facial e intermediario de Wrisberg. Leva información motora para os músculos da faciana e recolle información sensitiva da lingua.
• VIII par cranial: nervio estatoacústico, auditivo ou vestíbulo-coclear. Recolle información auditiva e nociceptiva.
• IX par cranial: nervio glosofarínxeo.
• X par cranial: nervio vago ou pneumogástrico. Leva información parasimpático ás vísceras torácicas e a case todas as abdominais.
• XI par cranial: nervio accesorio ou accesorio espiñal.
• XII par cranial: nervio hipogloso.