Antonio Goicoechea

Antonio Goicoechea
	;
Nome orixinal	(es) Antonio Goicoechea y Cosculluela
Biografía
Nacemento	21 de xaneiro de 1876 ; Barcelona, España
Morte	1 de febreiro de 1953 (77 anos); Madrid, España
Procurador en Cortes
	13 de maio de 1949 – 5 de abril de 1952 ; Lexislatura: III lexislatura das Cortes franquistas
Procurador en Cortes
	12 de maio de 1946 – 6 de abril de 1949 ; Lexislatura: II lexislatura das Cortes franquistas
Procurador en Cortes
	16 de marzo de 1943 – 24 de abril de 1946 ; Lexislatura: I lexislatura das Cortes franquistas
Deputado nas Cortes republicanas
	Representa: Renovación Española; 23 de febreiro de 1936 – 1 de abril de 1936 ; Lexislatura: III lexislatura da Segunda República Española ; Circunscrición electoral: Cuenca (en)
Deputado nas Cortes republicanas
	Representa: Renovación Española; 24 de novembro de 1933 – 7 de xaneiro de 1936 ; Lexislatura: II lexislatura da Segunda República Española ; Circunscrición electoral: Cuenca (en)
Membro da Asemblea Nacional Consultiva
	10 de outubro de 1927 – 15 de febreiro de 1930
Senador de España
Concelleiro de Madrid
Ministro
Actividade
Lugar de traballo	Madrid
Ocupación	político, avogado
Partido político	Partido Liberal-Conservador
Membro de	Real Academia de Ciencias Morais e Políticas ; Unión Ibero-Americana (presidente) ; Liga Africanista (en) (presidente) ; Real Academia de Xurisprudencia e Lexislación ; Comissió General de Codificació (en)
Movemento	Maurism (en)
Premios
	(1952) Gran Cruz da Orde de Carlos lll; (1944) Gran Cruz da Orde de San Raimundo de Peñafort; Gran Cruz da Orde de Isabel a Católica ;

Antonio Goicoechea Cosculluela, nado en Barcelona o 21 de xaneiro de 1876 e finado en Madrid o 1 de febreiro de 1953, foi un avogado e político español.

Traxectoria

Membro do Partido Conservador, en 1899 foi nomeado letrado do Consello de Estado e en 1919 foi ministro de Gobernación no goberno de Antonio Maura, pero dimitiu ao pouco tempo pola oposición tanto dos liberais como dos partidarios de Eduardo Dato. Foi elixido deputado polo distrito de Becerreá nas eleccións xerais de 1907 e 1910, por Madrid nas eleccións de 1918 e por Monforte nas de 1919. Elixido senador pola provincia de Murcia en 1922, colaborou coa ditadura de Primo de Rivera e en 1927 afiliouse á Unión Patriótica.

Coa proclamación da Segunda República Española afiliouse a Acción Nacional e máis tarde foi membro fundador de Renovación Española, partido polo que foi elixido deputado nas eleccións de 1933. Participou activamente na sublevación do 18 de xullo de 1936. Viaxou a Italia para conseguir axuda económica para os partidarios de Franco. Cando se aprobou o Decreto de Unificación de 1937, Goicoechea disolveu formalmente Renovación Española.

Abandonou a política, e entre 1938 e 1950 foi presidente do Banco de España, do Banco Exterior de España, do Banco Hipotecario e do Banco de Crédito Industrial. En 1943, xunto con outros procuradores en Cortes, firmou un escrito dirixido a Francisco Franco no que solicitaba a restauración da monarquía, "continuadora de nuestra tradición histórica".

Véxase tamén

Outros artigos

Lista de gobernadores do Banco de España

Ligazóns externas