Söngvakeppni evrópskra sjónvarpsstöðva 1959

Söngvakeppni evrópskra sjónvarpsstöðva 1959
Dagsetningar
Úrslit	11. mars 1959
Umsjón
Staður	Palais des Festivals et des Congrès í Cannes í Frakklandi
Kynnar	Jacqueline Joubert
Sjónvarpsstöð	Radiodiffusion-Télévision Française RTF
Vefsíða	eurovision.tv/event/cannes-1959
Þátttakendur
Fjöldi þátttakenda	10
Frumraun landa	Mónakó
Endurkomur landa	Bretland
Taka ekki þátt	Lúxemborg
Þátttakendur á korti   Lönd sem taka þátt
Kosning
Sigurlag	Holland „Een beetje“

Söngvakeppni evrópskra sjónvarpsstöðva 1959 var fjórða söngvakeppni evrópskra sjónvarpsstöðva. Hún var haldin miðvikudaginn 11. mars 1959 í Cannes í Frakklandi eftir að landið hafði unnið keppnina árið 1958. Holland vann keppnina 1959 með laginu „Een beetje“ sem flutt var af Teddy Scholten. Þetta var í annað skipti sem landið vann keppnina og í fyrsta skipti sem land vann í annað sinn í keppninni. Auk þess var höfundur texta sigurlagsins, Willy van Hemert, höfundur fyrra sigurlags Hollands „Net als toen“ , sem vann keppnina árið 1957. Willy var fyrsta manneskjan til að vinna söngvakeppni evrópskra sjónvarpsstöðva tvisvar.

Staðsetning

Söngvakeppnin fór að þessu sinni fram í Palais des Festivals et des Congrès höllinni í Cannes í Frakklandi eftir að Frakkland öðlaðist réttinn til að halda keppnina í kjölfar þess að vinna keppnina 1958 með laginu „Dors, mon amour“ sem flutt var af André Claveau. Cannes er staðsett á frönsku rivíerunni og hefur lengi verið vinsæll ferðamannastaður og er heimsfræg fyrir kvikmyndahátið sem er haldin þar ár hvert. Palais des Festivals et des Congrès var byggt 1949 og hefur oft hýst kvikmyndahátíðina frægu.

Fyrirkomulag

Þetta ár tók ný regla í gildi sem gerði það að verkum að engir þekktir lagahöfundar eða útgefendur máttu taka sæti í dómnefndum landanna.

Annað og þriðja sæti fengu að flytja lag sitt aftur í lok keppninnar líkt og sigurlagið.

Þátttakendur

Lúxemborg dróg sig úr keppni og keppti ekki í fyrsta skiptið í sögu söngvakeppninnar. Bretland kom til baka eftir að hafa misst af keppni fyrra árs og lenti í fyrsta sinn í öðru sæti. Landið átti eftir að lenda í öðru sæti í fjórtán skipti í viðbót. Mónakó tók þátt í keppninni í fyrsta skiptið, en lenti í síðasta sæti.

Tveir fyrrum keppendur tóku aftur þátt í keppninni 1959. Það voru Birthe Wilke fyrir Danmörku (áður 1957) og Domenico Modugno fyrir Ítalíu (áður 1958).

Hljómsveitarstjórnendur

Frakkland - Franck Pourcel

Danmörk - Kai Mortensen

Ítalía - William Galassini

Mónakó - Franck Pourcel

Holland - Dolf van der Linden

Þýskaland - Franck Pourcel

Svíþjóð - Franck Pourcel

Austurríki - Franck Pourcel

Bretland - Eric Robinson

Belgía - Francis Bay

Úrslit

Röð	Land	Flytjandi	Lag	Tungumál	Sæti	Stig
1	Frakkland	Jean Philippe	„Oui, oui, oui, oui“	franska	3	15
2	Danmörk	Birthe Wilke	„Uh, jeg ville ønske jeg var dig“	danska	5	12
3	Ítalía	Domenico Modugno	„Piove (Ciao, ciao bambina)“	ítalska	6	9
4	Mónakó	Jacques Pills	„Mon ami Pierrot“	franska	11	1
5	Holland	Teddy Scholten	„Een beetje“	hollenska	1	21
6	Þýskaland	Alice & Ellen Kessler	„Heute Abend wollen wir tanzen geh'n“	þýska	8	5
7	Svíþjóð	Brita Borg	„Augustin“	sænska	9	4
8	Sviss	Christa Williams	„Irgendwoher“	þýska	4	14
9	Austurríki	Ferry Graf	„Der K und K Kalypso aus Wien“	þýska	9	4
10	Bretland	Pearl Carr & Teddy Johnson	„Sing, Little Birdie“	enska	2	16
11	Belgía	Bob Benny	„Hou toch van mij“	hollenska	6	9