Welkom tu di Jumiekan Patwa Tes Wikipedia! Flag of JamaicaJamaica
Dem ya piej ya a fi wahn tes Wikipedia ina Jumiekan Patwa. Wi uda riili laik di elp a di Jumiekandem out de. Di rikwes fi di nyuu Jumiekan Wikipedia onggl ago go chuu ef ahn wen wi av inuf haatikl ina di langwij.
Wans evriting get fi go chuu, di uola di haatikldem a go muuv tu di riil Wikipedia.
Kaa disya a wahn tes Wikipedia, ebri haatikl afi taat wid di faamat [[Wp/jam/Niem a haatikl]]. So fi hegzampl, wahn haatikl bout Jumieka afi taikl az Jumieka. (But den, ina di hakchwal Wikipedia, di haatikl ago niem [[Jumieka]].
“Wi a sen a big shout-out tu aal a di piipldem we taak Jumiekan Patwa, fi kom kohn rait sohn tap kwaliti haatikl. Nof tangx.” Wid we mi brejin op a tap se, jos fi mek unu nuo, wi'a trai mek Patwa wan a'i Wikipiidia langwij dem. No Jamiekan Ingglish, Patwa. Nof a'i piej dem we rait aredi de ina Jamiekan Ingglish aa no Patwa. Jamiekan Ingglish a we muos a wi chat ebi die. Patwa a'i raa baan ting we unu griet gran muma did chat, we tiicha did biit unu fa aa se "Speak Properly!". Waa nex ting tu, a nof dayalek de ina Jamieka. Rait aatikl ina fi yu dayalek. Piipl wi andastan an i wi ton standad suun. Dis ya we mi'a rait a'i Wesmolan dayalek.
Wi pronoons wi "h" aa caal "di" "i". Wi ha nof difrens fraa Kingston dayalek. Eniwiez, fi mek unu si we mi'a chat se, mi'a go rait waa sentens ina Ingglish, wan ina Jamiekan Ingglish aa wan ina Patwa fi mek unu si'i difrens. "The feet of the cow went over the fence before the tail and bent when it reached the ground." "Di fiit a di cow went oova di fens bifoor di tail an ben wen it toch di groun." "I cow fut dem did go uoba'i fens bifuor'i tiel aa ben wen i toch i grong." Mi'a beg unu fi andastan mi egzampl aa lern fran i. Tangks aa rispek.