VC 4000
| VC 4000 | |
|---|---|
 VC 4000 კონტროლერთან ერთად | |
| მწარმოებელი | Interton |
| ტიპი | სახლის ვიდეო თამაშების კონსოლი |
| თაობა | მეორე თაობა |
| გამოშვების თარიღი | ოქტომბერი, 1978 |
| თავდაპირველი ფასი | 153 ევრო |
| შეწყდა | 1983 |
| მედია | სათამაშო კარტრიჯი |
| პროცესორი | Signetics 2650 |
| მეხსიერება | 4 კბ RAM |
| კონტროლერის შეტანა | ორი 12 ღილაკიანი კონტროლერი, ორი სამოქმედო ღილაკით და ანალოგური ჩხირით |
| დაკავშირებული სტატიები | 1292 Advanced Programmable Video System |
VC 4000 — 8 ბიტიანი მეორე თაობის სახლის ვიდეო თამაშების კონსოლი, შექმნილი და გამოცემული გერმანული კომპანია Interton-ის მიერ 1978 წლის ნოემბერში გერმანიაში.[1] ითვლება ამ რეგიონში შექმნილ და გამოცემულ პირველ და უკანასკნელ კოსნოლად, მაგრამ არსებობს უამრავი პროგრამულად თავსებადი სისტემა ბევრ ევროპულ ქვეყანაში.
კონსოლი ჯერ კიდევ 1974 წელს შეიქმნა, მაგრამ გამოიცა ოთხი წლის შემდეგ. მანამდე კომპანია Interton-ს უკვე გამოცემული ჰქონდა „Pong“-ის მაგვარი ლიცენზირებული სისტემები, მაგალითად, როგორიც არის Interton 3001.
VC 4000 გამოიყენებდა Signetics 2650A-ის ცენტრალურ პროცესორს და 4კბ ოპერატიულ მეხსიერებას. თან მოჰყვებოდა 12 ღილაკიანი ორი ცალი კონტროლერი, ხოლო კონსოლზე განთავსებული იყო ოთხი დამატებითი ღილაკი — ჩართვა/გამორთვის, reset-ის (გადატვირთვა), select-ის (არჩევა) და start-ის (დაწყება).[1] ძირითად მედია საშუალებად მოიხმარდა სათამაშო კარტრიჯებს.
დღემდე უცნობია, შექმნა თუ არა კომპანია Interton-მა ეს კონსოლი საკუთარი საავტორო უფლებების ფარგლებში, ან შესაძლოა გაყიდა კიდევაც მისი წარმოების უფლება, მაგრამ ფაქტია, რომ მოაგვიანებით ბევრმა უცხოურმა კომპანიამ შეიმუშავა VC 4000-ის კლონები. მაგალითისთვის, კომპანია Grundig-მა ბრიტანეთში გამოუშვა VC 4000-თან სრულად თავსებადი სისტემა Grundig Superplay Computer 4000,[2] აგრეთვე შეიქმნა Haminex HMG 7900, Radofin 1292, Audiosonic 1292 და სხვა. თუმცა ყველა კონსოლი არ არის ერთმანეთთან თავსებადი კარტრიჯის სლოტის ფორმისა და ზომიდან გამომდინარე, თუმცა პროგრამულად ყველა თავსებადია.[3]
არსებობის ისტორიაში VC 4000-ზე 40 დაგეგმილი თამაშიდან გამოვიდა 37,[4] რომელთა სათაურიც ყოველთვის იწყებოდა „Cassette“-თი და ნომრით,[5] (მაგალითად, Cassette 17 — Circus), ყოველი მათაგანი შექმნა და გამოაქვეყნა Interton-მა.
დღესდღეობით ხელმისაწვდომი არის სხვადასხვა სახის ემულატორები, რისი მეშვეობითაც შესაძლებელია VC 4000-ის თამაშების გაშვება თანამედროვე პერსონალურ კომპიუტერებსა და სათამაშო კონსოლებზე.
იხილეთ აგრეთვე
[რედაქტირება | წყაროს რედაქტირება]რესურსები ინტერნეტში
[რედაქტირება | წყაროს რედაქტირება]- VC 4000 Wikia-ზე
- VC 4000 დაარქივებული 2007-12-09 საიტზე Wayback Machine. Old-Computers-ზე
- VC 4000 კონსოლების მონაცემთა ბაზაში
- VC 4000 დაარქივებული 2017-06-09 საიტზე Wayback Machine. Retro Gaming Consoles-ზე
სქოლიო
[რედაქტირება | წყაროს რედაქტირება]- ↑ 1.0 1.1 OLD-COMPUTERS.COM: The Museum. დაარქივებულია ორიგინალიდან — 2007-12-09. ციტირების თარიღი: 2017-12-03.
- ↑ Interton VC 4000 დაარქივებული 2017-06-09 საიტზე Wayback Machine. , retrogamingconsoles.com, წაკითხვის თარიღი 4 დეკემბერი, 20017
- ↑ Interton VC-4000 Console Information. დაარქივებულია ორიგინალიდან — 24 ივლისი 2012. ციტირების თარიღი: 4 დეკემბერი 2017.
- ↑ Website dedicated to Interton VC 4000
- ↑ Interton VC4000. ციტირების თარიღი: 26 იანვარი, 2016.
| |||||||||||
| |||||||||||||||||||||||||||||||||||||||||||||||||||||||||||||
