Бауыржан Момышұлы ауылы

Ауыл
Бауыржан Момышұлы ауылы
Әкімшілігі
Ел	ҚазақстанҚазақстан
Статусы	аудан орталығы
Облысы	Жамбыл
Ауданы	Жуалы
Ауылдық округі	Бауыржан Момышұлы
Тарихы мен географиясы
Координаттары	42°37′08″ с. е. 70°45′35″ ш. б.42.61889° с. е. 70.75972° ш. б. / 42.61889; 70.75972
Құрылған уақыты	1916
Бұрынғы атаулары	Бурное
Уақыт белдеуі	UTC+5:00
Тұрғындары
Тұрғыны	15 561 адам (2023)
Сандық идентификаторлары
Автомобиль коды	08
Бауыржан Момышұлы ауылы Бауыржан Момышұлы ауылы
Бауыржан Момышұлы ауылы шекарасы

Бауыржан Момышұлы ауылы (1992 жылға дейін — Бурное) — Жамбыл облысындағы Жуалы ауданының орталығы (1936 жылдан).

Географиялық орны

Тараз қаласынан оңтүстік-батысқа қарай 69 км жерде, Теріс өзенінің (Аса өзенінің саласы) оң жағалауында, солтүстікте Қаратау, батыста Боралдай, оңтүстік-шығыста Талас Алатауының түйіскен жерінде орналасқан.

Тарихы

Іргесі 1916 жылы Арыс – Әулиеата темір жолын салуға байланысты қаланған.

Халқы

Саны (2009, 2021)

2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
12491	▲15284	122,4	6068	▲7605	125,3	6423	▲7679	119,6

Кәсіпорындары

Бауыржан Момышұлы ауылында сыра зауыты, баспахана, диірмен, ауыл шаруашылық машиналарын жөндеу және тұрмыс қажетін өтеу шеберханалары, май және нан зауыттары, жүн иіру және жіп тоқу фабрикасы, астық қабылдау пункті, мал емдеу пункті жұмыс істейді.

Инфрақұрылымы

Аурухана, емхана, тубдиспансер, дәріхана, санитарлық-эпидемиологиялық станция, мәдениет үйі, стадион, кинотеатр, қонақ үйі, орта мектептер, музыка және спорт мектептері, балабақшалар, т.б. мекемелер бар.

Ауыл 1993 жылдан Бауыржан Момышұлы аталады. 1995 жылы Кеңес Одағының батыры Бауыржан Момышұлының мемориалдық ескерткіші мен мұражайы ашылған. Ауыл үстімен Алматы – Ташкент автомобиль жолы өтеді. Тұрғындары басқа елді мекендермен автомобиль жолдары арқылы қатынасады.

• 
  Бауыржан Момышұлы ауылы