Louis Boyer (Astronom)
| Louis Boyer | |
|---|---|
| Gebuer |
20. Januar 1901 Paräis |
| Gestuerwen | 1999 |
| Nationalitéit | Frankräich |
| Aktivitéit | Astronom |
| Member vun | International Astronomesch Unioun |
 | |
De Louis Boyer, gebuer den 20. Januar 1901, a gestuerwen 1999, war e franséischen Astronom.
Vum 1. Oktober 1926 un war hie Stagiaire um Observatoire vun Alger, wou hien den 1. November 1928 aide-astronome genannt gouf. Am Joer 1959 gouf hien do dunn och astronome-adjoint.
Zu Alger huet hien am Ganze 40 Asteroiden entdeckt.
De Louis Boyer gouf 1952, Member vun der IAU. Hie war do am Organisatiounscommité vun der Kommissioun 20 vun der IAU deen den Numm Positions et Mouvements des Petites Planètes, des Comètes et des Satellites hat.
Duerch d'Krichssituatioun an Algerie gouf hien 1962 op den Observatoire de la Côte d'Azur zu Nice versat.
Mat him koumen d'Astronome Guy Reiss a Bernard Millet op Nice, an och en ettlech Techniker vum Observatoire vun Alger.
Vun 1962 un, bis zu senger Pensioun huet de Boyer sech haaptsächlech mam Nidderschreiwe vun den Observatioune beschäftegt, déi hien zu Alger gemaach hat. Hei konnt hien dunn och de klenge Planéiten, déi hien entdeckt hat, nodeem aner Astronome s'och gesinn haten, schliisslech en Numm ginn.
Zu Éiere vum deemolegen Direkter zu Nice, de Jean-Claude Pecker, huet hien de (1629) Pecker no him genannt.
Als Unerkennung fir seng Leeschtunge gouf no him en Asteroid, den (1215) Boyer genannt.
Referenzen
[änneren | Quelltext änneren]- Dictionnaire des astronomes français 1850-1950 vum Philippe Véron. De Philippe Véron ass Astronom um Observatoire de Haute-Provence zu Saint-Michel-l'Observatoire an den Alpes de Haute-Provence.