Guèrra Italoturca
La Guèrra Italoturca es una guèrra entre Itàlia e l'Empèri Otoman que se debanèt dau 29 de setembre de 1911 au 18 d'octòbre de 1912. Foguèt entraïnada per la volontat italiana de trobar de compensacions territòrialas en Africa dau Nòrd après la penetracion francesa en Tunisia e britanica en Egipte. Pretextant lo caòs quasi endemic en Tripolitana, Roma declarèt la guèrra còntra Constantinòble. Prenguèt rapidament lo contraròtle dei pòrts principaus de la Libia actuala e deis illas de Dodecanès. Pasmens, leis operacions avancèron gaire après aquelei succès iniciaus e de negociacions menèron a l'abandon de Tripolitana per leis Otomans en cambi de la restitucion deis illas de la mar Egèa.
Au nivèu tecnic, aqueu conflicte es uei conegut per son utilizacion de l'aviacion en vista de bombardar de posicions advèrsas. En despiech d'una eficacitat encara limitada, aquela innovacion conoguèt un desvolopament important durant la Premiera Guèrra Mondiala per venir una compausanta majora dau combat modèrne.
Liames intèrnes
Bibliografia
- (en) Timothy W. Childs, Italo-Turkish Diplomacy and the War Over Libya, 1911–1912, Brill, Leiden, 1990.