ஜலார்ணவம்

ஜலார்ணவம் கருநாடக இசையின் 38வது மேளகர்த்தா இராகமாகும். முத்துசுவாமி தீட்சிதர் பாரம்பரியத்தில் 38வது இராகத்திற்கு ஜகன்மோகனம் என்ற பெயர்.

இலக்கணம்

ஜலார்ணவம் சுரங்கள் C யிலிருந்து தொடக்கம்

ஆரோகணம்:	ஸ ரி1 க1 ம2 ப த1 நி2 ஸ்
அவரோகணம்:	ஸ் நி2 த1 ப ம2 க1 ரி1 ஸ

• ரிஷி என்றழைக்கப்படும் 7வது வட்டத்தில் (சக்கரத்தில்) 2வது மேளம்.
• இந்த இராகத்தில் ஷட்ஜம், சுத்த ரிஷபம்(ரி₁), சுத்த காந்தாரம்(க₁), பிரதி மத்திமம்(ம₂), பஞ்சமம், சுத்த தைவதம்(த₁), கைசிகி நிஷாதம்(நி₂) ஆகிய சுரங்கள் வருகின்றன.
• இது ஒரு விவாதி மேளம்.
• இதன் மத்திமத்தை சுத்த மத்திமமாக மாற்றினால் இராகம் ரத்னாங்கி (02) ஆகும்.
• கிரக பேதத்தின் வழியாக எந்த மேளகர்த்தா இராகமும் தோற்றுவிக்காது (மூர்ச்சனாகாரக மேளம் அல்ல).

உருப்படிகள்

வகை	உருப்படி	இயற்றியவர்	தாளம்
கிருதி	கனகமயூர	கோடீஸ்வர ஐயர்	ஆதி
கிருதி	மஹேசுவரி காவூனா	மங்களம்பள்ளி பாலமுரளிகிருஷ்ணா	ஆதி