ஜாலவராளி

ஜாலவராளி இராகம் கருநாடக இசையின் 39வது மேளகர்த்தா இராகம் ஆகும். அசம்பூர்ண பத்ததியில் 39வது இராகத்திற்கு தாலிவராளி என்ற பெயர் கொடுக்கப்பட்டுள்ளது.

இலக்கணம்

ஆரோகணம்:	ஸ ரி₁ க₁ ம₂ ப த₁ நி₃ ஸ்
அவரோகணம்:	ஸ் நி₃ த₁ ப ம₂ க₁ ரி₁ ஸ

ரிஷி என்றழைக்கப்படும் 7வது வட்டத்தில் (சக்கரத்தில்) 3 வது மேளம்.
இந்த இராகத்தில் ஷட்ஜம், சுத்த ரிஷபம் (ரி₁), சுத்த காந்தாரம்(க₁), பிரதி மத்திமம்(ம₂), பஞ்சமம், சுத்த தைவதம்(த₁), காகலி நிஷாதம் (நி₃) ஆகிய சுரங்கள் வருகின்றன.
இது ஒரு விவாதி மேளம்.
இதன் மத்திமத்தை சுத்த மத்திமமாக மாற்றினால் இராகம் கானமூர்த்தி (03) ஆகும்.
கிரக பேதத்தின் வழியாக எந்த மேளகர்த்தா இராகமும் தோற்றுவிக்காது (மூர்ச்சனாகாரக மேளம் அல்ல).

உருப்படிகள்

வகை	உருப்படி	இயற்றியவர்	தாளம்
கிருதி	அனாத ரக்ஷகா	கோடீஸ்வர ஐயர்	ஆதி
கிருதி	மாதவ தய்ய	மங்களம்பள்ளி பாலமுரளிகிருஷ்ணா	ஆதி