శివరామ కారంత

	శ్రీ కోట శివరామ కారంత
	; శివరామ కారంత్
జననం:	అక్టోబరు 10,1902; సాలిగ్రామ, ఉడ్పి జిల్లా
మరణం:	డిసెంబరు 9,1997; మణిపాల, ఉడిపి
వృత్తి:	రచయిత
జాతీయత:	భారతీయుడు
రచనా కాలము:	()
శైలి:	కథ, కవిత్వం, నవలలు,నాటక రచన
Subjects:	కర్నాటక,జీవనం
Literary movement:	నవోదయ
తొలి కృతి:	(ಮೊದಲ ಪ್ರಕಟಿತ ಕೃತಿ/ಗಳು)
ప్రభావితులు:	పూర్ణచంద్ర తేజస్వి
సంతకం:	దస్త్రం:Karant-sign.jpg
వెబ్‌సైటు:	http://shivaramkarantha.in/
	(ఇతరాలు)

శివరామ కారంత కన్నడ సాహిత్యవేత్త, కవి, కావ్య రచయిత. కడలతీరద భార్గవ (ಕಡಲತೀರದ ಭಾರ್ಗವ), నడెదాడువ (నడిచే) విశ్వకోశ (ನಡೆದಾಡುವ ವಿಶ್ವಕೋಶ) అని కన్నడ దేశంలో పేరెన్నిక గన్న గొప్ప వక్త. భారత జ్ఞానపీఠ పురస్కారం పొందిన సాహిత్యవేత్త.

జననం-జీవనం

శివరామ కారంత తండ్రి శష కారంత్, తల్లి లక్ష్మి.తల్లిదండ్రులకు కారంత్ ఐదవ సంతానం.శివకారంత్ అన్న రామకృష్ణ కారంత్ ప్రముఖ లాయరు, రాజకీయవేత్త^[1] శివరామ కారంత కర్నాటకలోని ఉడిపిజిల్లాలోని కోట అనే గ్రామంలో 1902లో, అక్టోబరు 10న జన్మించాడు. 96 సంవత్సరాల పరిపూర్ణ జీవితాన్ని అనుభవించిన ఒక సంపూర్ణ మహనీయుడు.డా.శివరామ కారంత 1997, డిసెంబరు 19న మరణించారు.^[2] కారంత తన జీవితకాలంలో 427 పుస్తకాలను రచించాడు.అందులో కావ్యాలు 47.కారంత తన 96 వ ఏట పక్షులమీద ఒక పుస్తకం వ్రాసారు.మనస్సు, పట్టుదలవుంటే వయస్సు కావ్యరచనకు ఆటంకం కాబోధని చాటి చెప్పాడు. శివరామ కారంత్ గారు కేవలం సాహిత్యానికే తనను పరిమితం చేసుకోలేదు.ఇతర లలితకళలలో కూడా తన ప్రావీణ్యాన్ని ప్రదర్శించారు.కర్నాటకలోని ప్రసిద్ధ నాట్యకళ అయిన యక్షగానాన్ని పరిరక్షించుటకై తానే స్వయంగా కొన్ని ప్రయోగాలు చేసి చూపించాడు. కారంత్ గారు స్వయంగా నాట్యం నేర్చుకొని బ్యాలె ప్రదర్శనలో గంభిత ప్రయోగాలు చేశారు.కారంత్ కొన్ని నిర్ధిస్టమైన సామాజిక దృక్పధం ఉంది.అయన వేశ్యా వివాహాలు జరిపించాడు. యక్షగాన నాట్య సంఘాలను ఏర్పరచి దేశ విదేశాలలో ప్రదర్శనలు చేయించాడు.పిల్లల్లో కళలపట్ల అభిరుచి, అనురక్తి పెంచి వారి ప్రతిభను మెరగు పరచుటకు పుత్తురులో బాలవనఅనే పేరుతో ఒక శిక్షణ సంస్థను ఏర్పరచాడు.పుత్తూరులో ఒక ముద్రాణాలయాన్ని ప్రారంభించి, తనరచనలను అందులో అచ్చువెసేవాడు.అంతేకాదు తన రచించిన పుస్తకాలకు/గ్రంధాలకు ముఖచిత్రాన్ని తానే గీసెవాడు.తమ రచనలకు తామే ముఖచిత్రాన్ని రూపొందించేరచయితలు అరుదుగా వుంటారు, శివరామ కారంత అందులో ప్రథముడు.

కన్నడ చిత్రరంగంలో కూడా శివరామ కారంత తన ప్రతిభను చాటుకున్నాడు.కన్నడ చిత్రరంగంలో ఆయన ప్రవేశం ఒక మూకీ సినిమాను చిత్రించడంతో మొదలైనది.హరిజన జీవితం (ప్రస్తుతం దళితులని వ్యవహరిస్తున్నారు) ఆధారంగా డొమింగోఅనే పేరుతో ఒక కన్నడ మూకీ సినిమాని 1930 లో నిర్మించారు/చిత్రికరించారు.ఈ చిత్రంలో అభినయనంతో పాటు దర్శక బాధ్యత కూడా నిర్వర్తించారు.పిమ్మట భూతరాజ్య అనే మూకీసినిమాను (1930) ని కూడా నిర్మించారు.కేవలం కావ్యరచన యందే కాకుండగా కారంత్ గారికి పరిసర పరిరక్షణకు కూడా తన జీవితంలో తగిన ప్రాముఖ్యత ఇచ్చాడు.తన కవిత్వంలో పరిసర చిత్రికరణ/ప్రస్థాపన పాఠకులకు స్పష్టంగా తెలుస్తుంది.కైగా అణువిద్యుత్తు స్థావరణ నిర్మాణానికి వ్యతిరేకంగా ఆందోళనకు నాయకత్వం వహించాడు.చిన్నపిల్లలనుంది వయోవృద్ధులవరకు అవసరమైన సాహిత్యాన్ని కన్నడ జనావళికి అందించాడు.

ఈయనకు జ్ఞానపీఠ, పద్మభూషణమరియు నాడోజ పురస్కారం ప్రధానం చేసి గౌరవించారు.ఎనిమిది విశ్వవిద్యాలయాలనుండి కారంతు గౌరవ డాక్టరేట్ లు పొందాడు. ఇతడు 1955లో మైసూరులో జరిగిన 37వ కన్నడ సాహిత్య సమ్మేళనానికి అధ్యక్షత వహించాడు.

స్మారక నిలయం

సాలిగ్రామ అనే గ్రామంలో శివరామ కారంతర పేరుమీద ఒక స్మారక వస్తుసంగ్రహాలయం (museum) ను కట్టినారు.ఈ నిలయంలో కారంతకు చెందిన అనేక వస్తువులను సంగ్రహించి, సందర్శనకై వుంఛారు.ఇందులో యక్షగాన ప్రదర్శనకై ఉపయోగించినవి, పాత కావ్యసంచికలు, ఆయన వేసిన చిత్రాలు తదితరళు, ఆయన ఉపయోగించిన లేఖిని/కలం వంటివి అనేకం ఉన్నాయి.