泰州
![](http://upload.wikimedia.org/wikipedia/commons/thumb/f/fb/Taizhou_locator_map_in_Jiangsu.svg/220px-Taizhou_locator_map_in_Jiangsu.svg.png)
泰州,是江苏省个一个地级市,在拉长江北面个淮扬地区,现在也畀认为是苏中个一个城市。在拉历史高头,泰州同吴越地区关系比较紧密,泰州个方言当中,有交关吴语影响痕迹,到1990年代之后,交关泰州人移民到长江以南,成为苏南、上海个新居民,此地个人口进入缓慢负增长阶段,经济发展也受到一定影响。
历史沿革
[编辑]泰州个历史比较悠久,在拉南北朝辰光,出现泰州个前身——海陵县。南唐升元年(937),正式开始有泰州建制。又分海陵南境5个乡,设置泰兴县。泰州下辖海陵、泰兴、盐城、兴化4个县。之后,又从海陵县如皋场分出来,设置如皋县。在拉海陵县东境,设置静海制置院。
《南唐书》卷一:"改元升元……以扬州海陵县为泰州。"
南唐末年,泰州地区畀宋帝国侵占。宋太祖乾德五年,拿泰州从团练州降格成军事州,属淮南道。之后先后属淮南路、淮南东路。太宗太平兴国前,泰州仍辖海陵等5个县。太平兴国二年盐城改属楚州后,泰州辖海陵、兴化、泰兴、如皋4个县。 南宋辰光,泰州重新升格成为军事州,属淮南东路。之后,泰兴、兴华分把周围城市管辖,泰州仅辖海陵、如皋2个县。
14世纪元帝国阶段设置泰州路,属淮东道,至元十九年属江淮行省。至元廿一年,拿泰州路改成功泰州,属扬州路。辖海陵、如皋2个县。
明帝国洪武初年,海陵县并到泰州,属扬州府,辖如皋县。
清帝国阶段,泰州属扬州府,辖如皋县。到雍正三年,如皋县改属通州,从此泰州就嘸自家个辖县,成为散州。乾隆三十三年,分泰州东北境设置东台县。
民国元年(1911年),南京临时政府裁府废州,泰州改称泰县。之后,泰州同扬州合并、分离交关趟数,一直到1996年,终于从扬州独立出来,成为一个地级市。
地理环境
[编辑]泰州所在个位置,是典型个淮东平原。来勒交关年数之前迭个地方还来勒海里向。所以即使到了今日,泰州个地理还是老平个。相当适合农业发展。泰州下头个兴化,就有老多出名个“垛田”。泰州河流老多,弗输拨江南。也是一片水乡泽国个景象。
经济
[编辑]泰州老早个经济比较一般。弗过进入21世纪之后发展老快。2012年泰州个GDP达到2700多亿人民币。多年实现两位数增长。现在已经有外资企业1700多家,走上了发展致富个康庄大道。著名个春兰集团,总部就来勒泰州。
文化
[编辑]泰州是历史文化名城,也是淮扬文化搭下江文化个交融地区。明朝辰光泰州形成了泰州学派,成为传播心学个亚中心。
方言
[编辑]泰州全境侪是江淮官话区,弗过内部差距也弗小。
|