坦克車

坦克車，有時淨係叫坦克，由英文tank音譯過來，係一隻有履帶、有裝甲嘅戰鬥車。佢靠直接開火對付敵軍。坦克車用嘅係有重裝甲，配上火力大嘅武器，可以響好多隻地形高速行走。

坦克通常裝備大口徑炮管（睇下坦克類型而定，有啲現代坦克嘅炮管甚至可以射反坦克同反直升機嘅飛彈）同埋幾支防空、同軸機槍。坦克多數用旋轉炮塔，有少數用緊固定式主炮。坦克主要由武器系統、火控系統、動力系統、通信系統、裝甲車體之類系統組成。大多數現代坦克有一定嘅潛渡能力。

雖則開架坦克車要好多錢，運費貴，但係喺現代戰場佢係所向披靡，靈活多變，可以震懾步兵同攻擊地面目標。