Gereformeerde kerk Delmas

Gereformeerde Kerk Delmas
Sluit in	Argent Dryden Eloff Sundra
Klassis	Verre Oos-Rand
Huidige predikant(e)	Reghard Janse van Rensburg
Belydende lidmate	136
Dooplidmate	45
Adres	Van riebeecklaan Delmas
Geskiedenis
Stigtingsdatum	28 Mei 1938
Afgestig van	Heidelberg/Erasmus
Eerste predikant	C.D. van der Merwe 1954–1960

Die Gereformeerde kerk Delmas. Die argitekte was Geers en Geers.

Ds. J.T.C. Snyman, leraar van 1961 tot 1965.

Ds. G.H. Buys, leraar van 1965 tot 1970.

Ds. Ockie Struwig, die predikant van 2008 tot 2012.

Die Gereformeerde kerk Delmas is die tweede oudste gemeente in die GKSA se Klassis Verre-Oos-Rand en was einde 2015, met 187 belydende en 30 dooplidmate, die vyfde grootste van die 11 gemeentes.

Lidmate van die Gereformeerde kerke Heidelberg en Erasmus (Bronkhorstspruit) wat in die omgewing van Delmas gewoon het, het soms Nagmaal in ’n gesamentlike gebou van die drie Afrikaanse kerke gehou op die plaas Strydpan en soms in die NG kerkgebou op Delmas. Op 28 Mei 1938, die jaar van die Simboliese Ossewatrek, het die Gereformeerde kerk Delmas van Heidelberg en Erasmus afgestig.

Die eerste en huidige kerkgebou is opgerig op ’n stuk grond van 1 morg wat Karel Schoeman aan die kerk geskenk het. Die argitekte Geers en Geers het die plan geteken en ds. B.R. Kruger het die hoeksteen op 28 Augustus 1943 gelê. Hierdie gebou is in 1944 voltooi teen ’n koste van £9 000. Die kerkskuld is in 1965 gedelg en van toe tot 1970 is die konsistorie vergroot teen ’n koste van R6 095 en ’n kerkorrel geïnstalleer van amper R20 000.

Eers 40 jaar ná die gemeente se stigting en wel in 1978 is die behoefte aan ’n kerksaal en katkisasielokale uitgespreek. Op 8 November 1981 is die nuwe gebouekompleks, wat R102 000 gekos het, oopgesluit met dieselfde sleutels as dié waarmee die oorspronklike gebou ontsluit is.

Predikante

1. Van der Merwe, Christiaan Dirk Jacobus, 1954 – 1960 (verlaat die bediening)
2. Snyman, Johan Thomas Cornelius, 1961 – 1965
3. Buys, Gert Hendrikus, 1965 – 1970
4. Van der Walt, Josef Cornelis, 1971 – 2002 (aanvaar sy emeritaat)
5. Du Plessis, Lourens Stephanus Daniël, 2003 – 2007
6. Struwig, Ockert Jacobus, 2008 – 2012
7. Buys, Roelof Pierre, 2013 – 2019
8. Van Rensburg, Reghardt Janse van, 10 Augustus 2019 – hede

Bronne

• (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
• (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
• (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
• (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.