Мікола Папека
| Мікола Папека | |
 На ўручэньні Мядовай прэміі (2005) | |
| Асабістыя зьвесткі | |
|---|---|
| Нарадзіўся | 28 сьнежня 1961 (62 гады) |
| Літаратурная дзейнасьць | |
| Род дзейнасьці | паэт |
| Жанр | вэрлібр |
| Прэміі | Гліняны вялес (1999) |
| Узнагароды | |
Міко́ла (Мікала́й Мікала́евіч) Папе́ка (нар. 28 сьнежня 1961, в. Турная, Івацэвіцкі раён Берасьцейскай вобласьці) — беларускі паэт, пчаляр, палітычны вязень рэжыму Лукашэнкі.
Жыцьцяпіс
[рэдагаваць | рэдагаваць крыніцу]Нарадзіўся 28 сьнежня 1961 року ў вёсцы Турная Івацэвіцкага раёну. Скончыў Алёхнавіцкую сярэднюю школу (1979), Сьмілавіцкі саўгас-тэхнікум (1981, па прафэсіі тэхніка-пчаляра), Украінскую сельскагаспадарчую акадэмію ў Кіеве (1981—1986, па спэцыяльнасьці заатэхніка-пчаляра).
З 1986 року жыве ў вёсцы Лінава Пружанскага раёну. Працаваў пчаляром у лясьніцтве, цяпер — на ўласнай гаспадарцы.
Заснавальнік штогадовай літаратурнай «Мядовай прэміі», пераможца якой штогод атрымоўвае пуд мёду.
Сябра Беларускага ПЭН-цэнтру, Саюзу беларускіх пісьменьнікаў[1].
Жанаты, з жонкай Сьвятланай (працуе настаўніцай) маюць двух сыноў.
Палітычны перасьлед
[рэдагаваць | рэдагаваць крыніцу]30 лістапада 2020 году затрыманы ў межах крымінальнай справы за ўдзел у пратэстах супраць фальсіфікацыі прэзыдэнцкіх выбараў[2]. 8 чэрвеня 2021 году асуджаны на 2 гады «хіміі» за ўдзел у карагодзе на праезнай частцы ў Берасьці 13 верасьня 2020 году[3]. З 13 верасьня 2021 году адбывае пакараньне ў папраўчай установе адкрытага тыпу № 21 у Мазыры. 16 верасьня 2021 году сумеснаю заяваю пяцьцю арганізацыяў, сярод якіх Вясна, Беларускі ПЭН-цэнтар, быў прызнаны палітычным зьняволеным[4].
Творчасьць
[рэдагаваць | рэдагаваць крыніцу]Вершы пачаў складаць у школьным узросьце, аднак усе яны былі страчаныя падчас навучаньня ў тэхнікуме. Друкаваўся ў часопісе «Крыніца», штотыднёвіку «Літаратура і мастацтва», абласной і раённай пэрыёдыцы.
У 1999 року ў сэрыі «Берасьцейскае вогнішча» выйшаў ягоны першы зборнік вершаў «Чарнавікі…» з прадмовай Міколы Купрэева. За выхад кнігі аўтар выказаў падзяку сваім «двукрылым фундатарам» — пчолам[5]. У 2000 року за гэты зборнік Мікола ўзнагароджаны прэміяй «Гліняны вялес-99».
Бібліяграфія
[рэдагаваць | рэдагаваць крыніцу]- Мікола Папека. Чарнавікі…. — Берасьце: Брэсцкая друкарня, 1999. — 92 с. — (Берасьцейскае вогнішча). — 300 ас. — ISBN 985-6413-40-0
Крыніцы
[рэдагаваць | рэдагаваць крыніцу]- ^ Папека Мікалай Мікалаевіч Сябры СБП. Саюз беларускіх пісьменьнікаў. Праверана 13 студзеня 2012 г.
- ^ Паэт-пчаляр Мікола Папека затрыманы па крымінальнай справе. Беларускае Радыё Рацыя. Праверана 8-6-2021 г.
- ^ У Брэсце вынеслі чарговыя прысуды па «справе карагодаў». Трох палітвязняў вызвалілі ў залі суда. Вясна (8-6-2021). Праверана 8-6-2021 г.
- ^ Заява праваабарончых арганізацый Беларусі аб прызнанні сямі новых палітвязняў. Вясна (16-9-2021).
- ^ Алесь Аркуш. Пчала ўчапілася ў верас // Наша Ніва. — ліпень 2000.
Літаратура
[рэдагаваць | рэдагаваць крыніцу]- Здановіч І. Рупліўцы беларускага нацыянальнага адраджэньня з Пружаншчыны: Грамадска-літаратурны даведнік. — Пружаны: 2003. — 144 с.