Ліпецкая вобласць

Ліпецкая вобласць
Герб Сцяг
Краіна	Расія
Уваходзіць у	Расія (1991—?)
Адміністрацыйны цэнтр	Ліпецк
Дата ўтварэння	6 студзеня 1954
Кіраўнік	Igor Artamonov[d]
Насельніцтва	▼1 125 921 чал. (1 студзеня 2023)
Плошча	24 100 км²
Часавы пояс	MSD і Еўропа/Масква[d]
Код ISO 3166-2	RU-LIP
Код аўтам. нумароў	48
Афіцыйны сайт (руск.)
Медыяфайлы на Вікісховішчы

Ліпецкая вобласць — суб’ект Расійскай Федэрацыі, размешчаны ў цэнтральнай частцы Цэнтральнай Расіі. Утворана 6 студзеня 1954 года з часткі тэрыторый Арлоўскай, Тульскай, Разанскай, Тамбоўскай і Варонежскай абласцей. Мяжуе з Курскай, Арлоўскай, Тульскай, Разанскай, Тамбоўскай і Варонежскай абласцямі.

На момант утварэння вобласць складалася з 34 раёнаў. У цяперашні час адміністрацыйна падзелена на 18 раёнаў і 2 гарады абласнога падпарадкавання (Ліпецк і Ялец) (раённыя і гарадскія муніцыпальныя ўтварэнні). Другі ўзровень мясцовага самакіравання складаюць 6 гарадоў раённага падпарадкавання (Гразі, Данкоў, Задонск, Лебядзянь, Усмань), Чаплыгін), 1600 сельскіх населеных пунктаў, аб’яднаных у 304 сельскія адміністрацыі (сельскія муніцыпальныя ўтварэнні), і 4 акругі ў складзе г. Ліпецка (Левабярэжная, Кастрычніцкая, Правабярэжная, Савецкая).

Прырода

Карысныя выкапні вобласці прадстаўленыя 300 радовішчамі: вапнякі, даламіты, пясок, гліны, цэментавая сыравіна. Па запасах карбанатнай сыравіны вобласць займае 1-е месца ў РФ. Значныя радовішчы торфу. Вялікай вядомасцю ў краіне карыстаюцца Ліпецкія мінеральныя крыніцы Архівавана 19 верасня 2007. і лячэбныя гразі, выяўленыя ў 1871 годзе.

Клімат умерана-кантынентальны з умерана халоднай зімой і цёплым летам. Сярэдняя тэмпература студзеня: −7 °C. Сярэдняя тэмпература ліпеня: +20.9 °C.

У вобласці знаходзяцца 2 запаведнікі: Галічча Гара — самы маленькі запаведнік Расіі з даледавіковай флорай, а таксама частка Варонежскага запаведніка.

Эканоміка

Прамысловая вытворчасць з’яўляецца асновай эканамічнага патэнцыялу вобласці, на яго долю прыходзіцца каля 66 % валавога рэгіянальнага прадукта. У 2005 годзе выраблена прадукцыі на суму больш 205 млрд. руб. з ростам на 2 %. Прамысловы комплекс вобласці складаецца з 200 буйных прадпрыемстваў, носіць шматгаліновы характар, уключае ў сябе чорную металургію, дзель прадукцыі якой значна павялічылася ў параўнанні з 1991 годам, машынабудаванне і металаапрацоўку, доля прадукцыі якіх прыкметна скарацілася ў параўнанні з 1991 годам (с 23 % до 11,5 %), электраэнергетыку (7 %), харчовую (14 %), хімічную, лёккую прамысловасці і прамысловасць будаўнічых матэрыялаў.

У ліку найбуйных прамысловых прадпрыемстваў Архівавана 19 верасня 2007. — акцыянерныя грамадствы: ААТ «Наваліпецкі металургічны камбінат», «Індэзіт інтэрнэшнл», ААТ «Ліпецкэнерга», ААТ «Ліпецкхлебмакаронпром», ЗАТ «Ліпчанка», ЗАТ Завод «Расінка», ААТ «Лебядзянскі», ААТ «Ліпецкі холадакамбінат», ААТ «Ліпецкцэмент», АОЗТ СУ-11 «Ліпецкбуд» і інш. Прадпрыемствы вобласці падтрымліваюць адносіны з фірмамі з больш 90 краін свету.

Насельніцтва

Насельніцтва практычна монанацыянальнае, абсалютную большасць насельніцтва складаюць рускія:

Народ	Колькасць у 2002 годзе, тыс. (*Архівавана 26 студзеня 2012.)
Рускія	1162,9
Украінцы	13,4
Армяне	5,4
Азербайджанцы	3,4
Цыгане	3,1
Беларусы	2,7
Татары	1,8
Малдаване	1,3
Немцы	1,1
Грузіны	1,0
паказаны народы з колькасцю больш за 1000 чалавек

Год Колькасць 1959 1 159 000 1973 1 223 000 1987 1 218 000 Год Колькасць 1989 1 230 200 1997 1 249 000 1998 1 248 000 Год Колькасць 2009 1 163 300 2016 1 156 055 2018 1 150 201 Год Колькасць 2020 1 139 371 2021 1 128 192 2023 1 125 921

Вядомыя асобы

• Якаў Паўлавіч Зайцаў
• Іван Цярэнцьевіч Кляймёнаў
• Іван Андрэевіч Флёраў
• Васіль Васілевіч Осіпаў — Герой Савецкага Саюза
• Міхаіл Нічыпаравіч Быкаў (1914—1944) — Герой Савецкага Саюза.

Літаратура

• Лоўчая Л. В. Лі́пецкая во́бласць // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 274—275. — 10 000 экз. — ISBN 985-11-0035-8. — ISBN 985-11-0155-9 (т. 9).
• Ли́пецкая о́бласть // Большой словарь географических названий (руск.) / Гл. ред. В. М. Котляков. — Екатеринбург: У-Фактория, 2003. — С. 371. — 832 с. — 10 000 экз. — ISBN 5-94799-148-9.
• Ли́пецкая о́бласть // Т. 14. Куна — Ломами. — М. : Советская энциклопедия, 1973. — С. 481—483. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Ли́пецкая о́бласть // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев (зам. гл. ред.) и др. — 2-е изд., исправл. и дополн. — М.: Советская энциклопедия, 1989. — С. 284. — 592 с. — 210 000 экз. — ISBN 5-85270-057-6.

Спасылкі

• Афіцыйны сайт адміністрацыі вобласці Архівавана 1 ліпеня 2008.