Psusenes I.a

Psusenes I.a
	Psusenes I.aren hil mozorroa Irudi gehiago
Faraoi	;
Faraoi
Bizitza
Jaiotza	K.a. XI. mendea
Herrialdea	Antzinako Egipto
Heriotza	K.a. 1001 ( urte)
Hobiratze lekua	Tanis
Familia
Aita	Pinediem I.a
Ama	Duathathor-Henuttawy
Ezkontidea(k)	Mutnedjmet (en)
Seme-alabak	ikusi Amenemope;
Haurrideak	ikusi Henuttawy (en) ; Diedkhonsuefankh; Menkheperra; Masaharta; Maatkare Mutemhat (en) ; Mutnedjmet (en) ; Nauny (en) ;
Leinua	Egiptoko XXI. dinastia
Jarduerak
Jarduerak	estatu-politikaria

Akheperra Pasebakhaenniut Meryamon edo Psusenes I.a (grezieraz Ψουσέννης), Egiptoko XXI. dinastiako hirugarren faraoia izan zen. K.a. 1039tik K.a. 991 arte gobernatu zuen, Egiptoko hirugarren tarteko aroa deritzon garaian. Bere izenak, "Pasebakhaenniut Meryamon"ek, "Hirian (Tebas) agertzen den izarra, Amonen maitea" esan nahi du.

Biografia

Bere erregealdiaren iraupen zehatza, ez da ezagutzen, Manetonen kopia ezberdinek, Psusennes, 46 urteko erregealdiarekin (Sexto Julio Afrikano) edo 41ekoarekin (Eusebio Zesareakoa) aipatzen baitute. Hala ere, bere erregealdia oso luzea izan zen, eta, berari buruz, elkarrengandik 49 urtez banatutako bi data ezagutzen dira.

Psusenesek, bere seme Amenemoperekin elkargobernaritza labur bat izan zuen, zenbait urtekoa, gaur egun galduta dagoen momia baten bendetan dokumentatua eta, "Amenemoperen 10. urtea, Psusenes I.aren 49.arekin lotzen duena" (Kitchen).

Psusenesen hilobia

Pierre Montetek, Tanisen, Psusenesen kalterik gabeko hilobia aurkitu zuen (3. zenbakia) 1940an. Zoritxarrez, tokiko hezetasunaren ondorioz, Behe Egipton, material organikoz eginiko objektu gehienak, ustelduak zeuden.

Granito gorrizko kanpo sarkofagoa eta granito beltzez eginiko erdikoa, berrerabiliak edo usurpatuak izan ziren. Psusenesen momia, zilarrezko hirugarren zerraldo baten barnean zegoen, oso ez ohikoa Antzinako Egipton, inportatu egin behar zenez, urrea baino metal urri eta baliotsuagoa baitzen.

Sarkofagoaren kanpoaldean dagoen kartutxo batek, jatorrian, hilobi hori, Egiptoko XIX. dinastiako hirugarren faraoia eta Ramses II.aren oinordekoa izan zen Merenptahrena izan zela adierazten du, aurretik Erregeen Haranean lurperatua izan zenekoa. Hilobi lapurretak, oso ohikoak izan ziren Egiptoko hirugarren tarteko aroan, eta sarkofago ugari, momiarik gabe geratu ziren.

Douglas Derryk, Kairoko Unibertsitateko anatomia sailekoak, bere hondarrak aztertu zituen 1940an, eta Psusenesek hortzak oso txantxartuak zituela ikusi zuen, baita faraoi honek artritisa izan zuela ere, gaitz honek, ziur aski, bere azken urteetan ezgaitu zuelarik

Aurrekoa
Neferkheres

Egiptoko faraoia
Egiptoko XXI. dinastia

Ondorengoa
Amenemope

Datuak: Q380676
Multimedia: Psusennes I / Q380676