La printebla versiono ne pluse suportesas, e povas havar grafikal erori. Voluntez aktualigar la preferaji di vua ret-navigilo, e voluntez uzar lua imprimo-funciono ''default''.
Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum agosto 50, 100 ed 800 yari ante nun …
8 di agosto1974. Richard Nixon, en diskurso transmisata a la naciono de la Blanka Domo, anuncis ke il demisionos kom Prezidanto di Usa; il esis la unika prezidanto qua demisionis. Pro la Skandalo di Watergate, proceso di statala akuzajo esis expektata. En lua diskurso, il dicis ke il ne havus la politikala susteno por traktar la devi di ilua ofico en la maniero bezonata da la interesti di la naciono. Ye la morga dio il sendis letro di demisiono a la Sekretario di Stato Henry Kissinger, e la vice-prezidanto Gerald Ford pose divenis Prezidanto.
23 di agosto1924. La planeto Marso atingis proximeso 55.730.000 km a Tero, la minima disto depos 18 di agosto 1845. Ye tala okazioni, la suno, Tero e Marso esas en rekta lineo. Curtis Wilbur, Sekretario di la Usana milit-navaro de 1924 til 1929, kredis ke to esus apta okazionio por saveskar ka Marsani probas komunikar kun Tero per radio-transmisi: il sendis komando a navala kustala stacioni, ke de 21 di agosto til 24 di agosto li devas raportar irga ne-kustumala signali. Dum plura antea yardeki, multa personi, inkluzante la astronomo Percival Lowell, kredabis ke inteligenta enti vivis sur Marso, ed esis spekuladi ke komuniki per radio forsan esus posibla. Tamen, nula signali de Marso esis raportata.
3 di agosto1224. En Francia, la siejo di La Rochelle finis. La Capet-dinastio, qua rivalesis kun la Plantagenet-dinastio por regno di la regiono Poitou, komencis siejar la strategiala portuo ye 15 di julio. Depos 1203, kande la Franca rejulo Philip II, di la Capet-dinastio, deklaris ke John di Anglia havas nula yuro pri landi en Francia, konflikto existis inter le Capet e le Planagenet. En La Rochelle esis garnizono di lokala homi ed Angliani; kande helpo de plusa Angliani faliis aparar, la garnizono cedis a la Franca komandanto, Louis la 8ma. Pos ca vinkeso, Gaskonia esis la unika parto di Francia regnata da le Plantagenet.
Okapio (Okapia johnstoni) esas mamifero, qua vivas en central Afrika. Ol aspektas la zebro ma fakte esas la parento di la jirafo. On kalkulas ke existas de 10 mil til 20 mil okapii. On timas ke l'okapio extingesos pro ke ol esas multe chasata da nelegala chaseri.
Busan, olim konocita kom Pusan, e nun oficale Metropolala Urbo Busan, esas la duesma maxim grand urbo di Sud-Korea, dop Seoul. Segun statistiki de 2020, ol havis 3 411 829 habitanti. Lua tota surfaco esas 767,35 km².
Dezerto AtakamaDezerto esas regiono ube pluvo-quanto esas multe skarsa e, konseque, la vivo esas multe desfacila. Cirkume un triimo de la kontinentala surfaci esas dezerto o mi-dezerti. Existas dezerti en amba lateri del Equatoro. Ank existas dezerti en Antarktika.