6. janúar

6. janúar er 6. dagur ársins samkvæmt gregoríska tímatalinu. 359 dagar (360 á hlaupári) eru eftir af árinu.

Atburðir

• 1066 - Haraldur Guðinason var krýndur konungur Englands.
• 1266 - Karl 1. af Anjou var krýndur konungur Sikileyjar og Napólí í Róm af fimm kardínálum þótt Manfreð Sikileyjarkonungur sæti enn á konungsstóli.
• 1449 - Konstantín 9. var krýndur síðasti keisari Austrómverska keisaradæmisins.
• 1540 - Hinrik 8. Englandskonungur gekk að eiga fjórðu eiginkonu sína, Önnu af Cleves. Hjónabandið var dæmt ógilt sex mánuðum síðar.
• 1560 - Giovanni Angelo de’Medici varð Píus 4. páfi.
• 1579 - Atrechtsambandið sameinaði suðurhéruð Niðurlanda undir stjórn Alessandro Farnese hertogans af Parma og lýsti yfir hollustu við Filippus 2. Spánarkonung.
• 1612 - Axel Oxenstierna varð ríkiskanslari í Svíþjóð.
• 1661 - Menn fimmta konungsríkisins reyndu að ná völdum í London en herdeild George Monck sigraði þá.
• 1690 - Jósef, sonur Leópolds 1., var krýndur konungur Ungverjalands og konungur Rómverja.
• 1709 - Mesta kuldatímabil í Evrópu í 500 ár hófst og stóð í þrjá mánuði. Tugþúsundir manna dóu úr kulda og enn fleiri úr hungri vegna uppskerubrests um sumarið og haustið.
• 1838 - Samuel Morse kynnti ritsíma sinn í fyrsta sinn opinberlega.
• 1902 - Í Reykjavík var haldinn grímudansleikur í fyrsta sinn og þótti góð skemmtun.
• 1919 - Frímúrarareglan á Íslandi var stofnuð.
• 1923 - Halldór Laxness gerðist meðlimur hinnar heilögu kaþólsku kirkju og var fermdur og skírður fullu nafni Halldór Kiljan Marie Pierre Laxness í Clervaux-klaustri í Lúxemborg.
• 1936 - Julio María Sanguinetti varð forseti Úrúgvæ.
• 1947 - Enski togarinn Lois strandaði á Hraunsfjörum austan Grindavíkur. Björgunarsveitin Þorbjörn, sem þá var nýstofnuð innan Slysavarnadeildarinnar Þorbjörns, bjargaði 15 skipverjum með fluglínutækjum. Einn skipverja, skipstjórinn, fórst þegar hann reyndi síðastur manna að komast í björgunarstólinn.
• 1949 - Fæðingardeild Landspítalans og Ljósmæðraskólinn fluttu í nýtt hús við Landspítalann.
• 1957 - Elvis Presley kom fram í þriðja og síðasta skipti í sjónvarpsþætti Eds Sullivan og var aðeins sýndur fyrir ofan mitti þar sem mjaðmahreyfingar hans þóttu ósiðlegar.
• 1965 - Neðansjávargosi í Surtlu norðaustan við Surtsey lauk.
• 1968 - Rannsóknastöð Hjartaverndar var tekin í notkun. Fyrsti yfirlæknir hennar var Ólafur Ólafsson, síðar landlæknir.
• 1977 - Tónlistarframleiðandinn EMI sagði upp samningi við hljómsveitina Sex Pistols.
• 1978 - Bandaríkin skiluðu Stefánskórónunni til Ungverjalands, en hún hafði verið í Bandaríkjunum frá lokum Síðari heimsstyrjaldar.
• 1986 - Hafskipsmálið: Íslenska skipafélagið Hafskip var lýst gjaldþrota.
• 1986 - Verslunarskóli Íslands flutti úr miðborg Reykjavíkur í nýtt húsnæði við Ofanleiti.
• 1990 - Sjónvarpsþáttur spaugstofunnar 90 á stöðinni hóf göngu sína í Ríkisútvarpinu.
• 1992 - Armenar í Nagornó-Karabak lýstu yfir stofnun Nagornó-Karabaklýðveldisins.
• 1993 - Bombeyuppþotin hófust í Mumbai á Indlandi vegna niðurrifs Babri Masjid.
• 1994 - Árásarmaður barði skautadrottninguna Nancy Kerrigan í fótinn að undirlagi fyrrverandi eiginmanns keppinautar hennar, Tonya Harding.
• 1995 - Eldur braust út í íbúðabyggingu í Manila á Filippseyjum. Lögreglumenn fundu tölvu og sprengiefni með lýsingu á Bojinkaáætluninni um stórfellda hryðjuverkaárás. Höfuðpaurinn, Ramzi Yousef, var handtekinn skömmu síðar.
• 1995 - Fyrsta vefútgáfa norsks dagblaðs kom út þegar Brønnøysunds Avis hóf útgáfu á netinu.
• 1998 - Litla hafmeyjan í Kaupmannahöfn missti höfuðið í annað sinn.

• 2000 - Síðasti villti pýreneaíbexinn fannst dauður.
• 2001 - Árinu helga 2000 lauk formlega þegar Jóhannes Páll 2. páfi lokaði hurðinni helgu.
• 2004 - 15 létust, mest ungmenni, þegar tvær sprengjur sprungu í Kandahar í Afganistan.
• 2016 - Norður-Kórea sprengdi vetnissprengju sem olli jarðskjálfta upp á 5,1 stig.
• 2018 - Olíuflutningaskipið Sanchi lenti í árekstri við flutningaskip með þeim afleiðingum að það kviknaði í því. Skipið rak logandi um Austur-Kínahaf í 8 daga og olli gríðarlegri mengun.
• 2019 - Múhameð 5. af Kelantan sagði af sér sem konungur Malasíu.
• 2021 - Stuðningsmenn Donalds Trump Bandaríkjaforseta réðust á þinghúsið í Washington til að koma í veg fyrir staðfestingu á kosningasigri Joe Biden í forsetakosningunum 2020.

Fædd

• 1367 - Ríkharður 2. Englandskonungur (d. 1400).
• 1412 - Jóhanna af Örk, frönsk þjóðhetja og rómverskur dýrlingur (d. 1431).
• 1617 - Kristoffer Gabel, danskur stjórnmálamaður (d. 1673).
• 1775 - Guttormur Pálsson, prestur í Vallanesi (d. 1860). Hann er talinn elsti Íslendingur sem til er ljósmynd af.
• 1826 - Adolf Kirchhoff, þýskur fornfræðingur (d. 1908).
• 1832 - Gustave Doré, franskur myndlistarmaður (d. 1883).
• 1850 - Jón Jónsson á Hafsteinsstöðum, íslenskur bóndi (d. 1939).
• 1859 - Skúli Thoroddsen, íslenskur stjórnmálamaður (d. 1916).
• 1861 - Victor Horta, belgískur arkitekt (d. 1947).
• 1870 - Gustav Bauer, þýskur stjórnmálamaður (d. 1944).
• 1878 - Carl Sandburg, bandarískur rithöfundur (d. 1967).
• 1878 - Halldór Hermannsson, íslenskur bókfræðingur (d. 1958).
• 1883 - Khalil Gibran, líbanskt skáld (d. 1931).
• 1901 - Tómas Guðmundsson, íslenskt skáld (d. 1983).
• 1919 - Edward Robert Harrison, breskur heimsfræðingur (d. 2007).
• 1920 - Sun Myung Moon, kóreskur trúarleiðtogi (d. 2012).
• 1924 - Kim Dae-jung, forseti Suður-Kóreu (d. 2009).
• 1936 - Julio María Sanguinetti, forseti Úrúgvæ.
• 1946 - Syd Barrett, gítarleikari Pink Floyd (d. 2006).
• 1947 - Alan Dale, nýsjálenskur leikari.
• 1953 - Vilhjálmur Árnason, heimspekingur og prófessor við Háskóla Íslands.
• 1955 - Rowan Atkinson, breskur leikari.
• 1958 - Cássia Kis, brasilísk leikkona.
• 1960 - Atli Harðarson, íslenskur heimspekingur.
• 1964 - Ólafur Gunnar Guðlaugsson, íslenskur rithöfundur.
• 1969 - Bergur Þór Ingólfsson, íslenskur leikari.
• 1973 - Þórunn Lárusdóttir, íslensk leikkona.
• 1982 - Eddie Redmayne, breskur leikari.
• 1986 - Petter Northug, norskur meistari í skíðagöngu.
• 1986 - Alex Turner, enskur söngvari.

Dáin

• 1448 - Kristófer af Bæjaralandi, konungur Danmerkur, Noregs og Svíþjóðar (f. 1416).
• 1537 - Alessandro de'Medici hertogi af Flórens myrtur (f. 1510).
• 1598 - Fjodor 1. Rússakeisari (f. 1557).
• 1607 - Guidobaldo del Monte, ítalskur vísindamaður (f. 1545).
• 1673 - Gísli Vigfússon, skólameistari í Hólaskóla (f. 1637).
• 1780 - Guðni Sigurðsson, íslenskur sýslumaður (f. 1714).
• 1852 - Louis Braille, franskur blindrakennari, sem fann upp blindraletur (f. 1809).
• 1882 - Richard Henry Dana, bandarískur stjórnmálamaður (f. 1815).
• 1884 - Gregor Mendel, austurrískur munkur (f. 1822).
• 1918 - Georg Cantor, þýskur stærðfræðingur (f. 1845).
• 1919 - Theodore Roosevelt, Bandaríkjaforseti (f. 1858).
• 1990 - Pavel Alekseyevich Čerenkov, rússneskur eðlisfræðingur og Nóbelsverðlaunahafi (f. 1904).
• 1993 - Dizzy Gillespie, bandarískur djassleikari (f. 1917).
• 1997 - Teiichi Matsumaru, japanskur knattspyrnumaður (f. 1909).
• 2000 - Bárður Ísleifsson, íslenskur arkitekt (f. 1905).
• 2022 - Sidney Poitier, bahamisk-bandariskur leikari (f. 1927).

Hátíðis- og tyllidagar

• Þrettándinn, síðasti dagur jóla.