კომპანია გამოსცემდა Game & Watch-ის სხვადასხვა ვარიანტებსს (Silver, Gold, Wide Screen, New Wide Screen, Multiscreen, Color Screen, Panorama Screen, Super Color, Micro Vs. System, Crystal Screen, Mini Classics, Donkey Kong), მათ შორის ორ ეკრანიან ვარიანტებსაც. უმეტეს მათგანს ჰქონდა ღილაკები „Game A“ და „Game B“. Game B“, როგორც წესი, თამაშს ხდიდა უფრო რთულს და სწრაფს. კონსოლი დაფუძნებული იყო Sharp SM5xx-ის ოჯახის 4-ბიტიან ცენტრალურ პროცესორზე. მოწყობილობა მოიხმარდა მინიატურულ ბატარეას (საათის ბატარეა) და გააჩნდა თხევად-კრისტალური ეკრანი, საათი და მაღვიძარა.
არსებობის განმავლობაში მასზე გამოვიდა 60 თამაში, ხოლო მის თილისმად იქცა პერსონაჟი მისტერ Game & Watch, რომელიც პირველად გამოჩნდა თამაშში „Ball“. 1991 წლის 14 თებერვალს გამოვიდა მისი უკანასკნელი თამაში „Mario the Juggler“,[2] რამაც დაასრულა Game & Watch-ის სერიის წარმოება. Game & Watch-მა დიდი წვლილი შეიტანა პორტატიული კონსოლების განვითარება-პოპულარიზაციაში. საერთო ჯამში გაიყიდა კონსოლის 43 მილიონი ეგზემპლარი.[3]1989 წელს Nintendo-მ გამოსცა მონდევნო პორტატიული სისტემა Game Boy, რომელიც კიდევ უფრო წარმატებული აღმოჩნდა, ვიდრე მისი წინამორბედი, რომლის გაყიდვებმა 118 მილიონ ასლს გადააჭარბა.[4]
მთავარი სტატია: Game & Watch-ის თამაშების სია.
შეგიძლიათ იხილოთ მედიაფაილები თემაზე „Game & Watch-ის სერია“ ვიკისაწყობში.
