Constantinus Muraviev
Constantinus Vladov Muraviev (Bulgarice Константин Владов Муравиев, natus die 5 Martii 1893 in oppido Bessapara in provincia eiusdem nominis, mortuus die 31 Ianuarii 1965 Serdicae) legatus et rerum politicarum peritus Bulgaricus fuit.
Iuventus et munus
[recensere | fontem recensere]Postquam scholam finivit, Muraviev, nepos Alexandri Stambolijski praesidis ministrorum, in universitate Americana Constantinopolis studebat. Miles Bellis Balcanicis anno 1912/13 atque 1915 - 1918 Bello Orbis Terrarum Primo interfuit.
Cursus honorum
[recensere | fontem recensere]Anno 1918 sodalis Factionis Agricolarum factus est. Ab anno 1919 secretarius avunculi Alexandri Stambolijski fuit et legatus Bulgariae Roterodami et Ancarae fuit. Anno 1923 primo legatus ad Parlamentum electus est et mense Martio ab avunculo administer belli nominatus est. Sed iam mense Iunio, postquam avunculus seditione militum nectatus est, hunc honorem amisit. Anno 1927 iterum legatus ad Parlamentum creatus est et ad annum 1934 mansit. Anno 1931/32 administer institutionis publicae et annis 1932 - 1934 agriculturae fuit. Die 2 Septembris 1944 rogatu Alligatorum Praeses ministrorum nominatus est. Regnum Unitum atque CFA cum Ioanne Ivanov Bagrianov de pace agere non voluerunt. Die 5 Septembris 1944 Unio Sovietica Bulgariae bellum indixit et eodem die Bulgaria Germaniae, ut nunc regnum cum omnibus nationibus bellum gereret. Eodem tempore consilium ministrorum leges antiiudaicas sustulit. Die 9 Septembris 1944 Muraviev seditione Communistarum depositus est. Cimon Georgiev eius successor factus est. Muraviev a Communistis non ut alii duces Regni Bulgarici ad mortem damnatus est, sed ad carcerem perpetuum. Anno 1955 liberatus, anno 1956 - 1961 iterum carcere retentus est.
Nexus externi
[recensere | fontem recensere]- Biographia apud World War II Database
- Pellicula de Consilio ministrorum Muraviev apud youtube (lingua Bulgarica)
