Lance Armstrong

Lance Armstrong
Gebuertsnumm	Lance Edward Gunderson
Gebuer	18. September 1971 Plano
Nationalitéit	USA
Aktivitéit	Vëlossportler, Autobiograph, Podcaster, Triathleet
Gréisst	177 cm
Gewiicht	71 kg
Veräin/Ekipp	Motorola, Cofidis, Discovery Channel, Astana, RadioShack
Huet matgemaach bei	Olympesch Summerspiller 2000, Olympesch Summerspiller 1996, Olympesch Summerspiller 1992, Tour de France 2010, Tour de France 2004, UCI ProTour 2005
Partei	Republican Party
Famill
Liewenspartner(in)	Tory Burch

De Lance Armstrong 2002 beim Grand Prix du Midi Libre

De Lance Armstrong, gebuer den 18. September 1971 zu Plano am Texas, ass e fréieren US-amerikanesche Vëlossportler.

Hien huet sech de 24. Juli 2005 vum professionelle Vëlossport zeréckgezunn, nodeem hie siwemol noeneen den Tour de France gewonnen hat - ënner Doping, wéi 2012 un d'Liicht koum.

Am September 2008 huet hie säi Comeback fir d'Saison 2009 ugekënnegt.

Hien ass doduerch bekannt ginn, datt hien testiculaire Kriibs iwwerlieft huet an d'Joer drop säin éischten Tour de France gewonnen huet.

2010 ass hie mat der Ekipp RadioShack de Skoda-Tour de Luxembourg gefuer.

Am Oktober 2012 huet d'US-Anti-Doping-Agentur Usada dem Armstrong nogewisen, datt hie jorelaang systematesch ë. a. Epo-, Testosteron-, Kortison- a Bluttdoping bedriwwen hat. Den Armstrong huet dës Virwërf ofgestridden. All Titelen, déi en zanter 1998 kritt hat, dorënner seng 7 Tour-de-France-Titelen, goufen him oferkannnt.

Livestrong a Lance Armstrong Foundation

Kuerz no senger Kriibserkrankung huet hien d'Lance Armstrong Foundation (LAF) gegrënnt. Si ënnerstëtzt de Kampf géint de Kriibs an d'Fuerschung fir en Heelmettel fir de Kriibs ze fannen.

Am Joer 2004 huet de Lance Armstrong, zesumme mat der Sportartikelfirma Nike, e gielt Armbändche mat der Opschrëft "LIVESTRONG" erausbruecht. Et war en Deel vun der Campagne "Wear Yellow and live strong" déi Kriibs-Kranker a Kriibs-Iwwerliewender ënnerstëtzt. A weiderer Zesummenaarbecht mat der Firma Nike, mat der Firma Giro an der Firma Oakley, huet de Lance Armstrong an de Joren duerno all Joer Sportsartikele vu Livestrong erausbruecht. Den Erléis vun de Produite vu Giro an Oakley fléisst zum gréissten Deel an d'LAF. Den Erléis vun der Nike-Kollektioun vu Livestrong fléisst integral an d'LAF.

Am September 2012, wéi seng Uschëllegung vun Doping bekannt gouf, huet den Armstrong sech aus der LAF zeréckgezunn, fir hir net ze schiedegen.

Ekippen

• 1992-1996 Motorola
• 1997 Cofidis
• 1998-2004 US Postal Service
• 2005 Discovery Channel
• 2009 Astana
• 2010 Ekipp RadioShack

Palmarès

1991

• 1. an der Settimana Ciclistica Bergamasca

1993

• 1. an der Stroosseweltmeeschterschaft zu Oslo
• 1. am Trofeo Laigueglia

1995

• 1. an der Clásica Ciclista San Sebastián - San Sebastián

1996

• 1. an der Flèche wallonne

1998

• 1. am Tour de Luxembourg

Oferkannt Titelen:

1999

• 1. am Tour de France

2000

• 1. am Tour de France
• 1. am Grand Prix des Nations
• 2. a Paris - Camembert

2001

• 1. am Tour de France
• 1. am Tour de Suisse

2002

• 1. am Tour de France
• 1. am Grand Prix du Midi Libre
• 1. am Critérium du Dauphiné libéré

2003

• 1. am Tour de France
• 1. am Critérium du Dauphiné libéré

2004

• 1. am Tour de France
• 1. am Tour de Georgia

2005

• 1. am Tour de France

2009

• 3. am Tour de France

2010

• 3. am Tour de Luxembourg
• 2. am Tour de Suisse

Um Spaweck

Commons: Lance Armstrong – Biller, Videoen oder Audiodateien

Wikiquote: Lance Armstrong – Zitater