Ромен Ролан

Ромен Ролан
Роден/а	29 јануари 1866(1866-01-29) Клаиси, Нијевер
Починат/а	30 декември 1944(1944-12-30) (возр. 78) Везле
Занимање	драматург, романописец, историчар, нобелист
Националност	Французин
Период	1902–1944

Ромен Ролан (француски: Romain Rolland) (Клаиси, 29 јануари 1866 – Везле, 30 декември 1944) — француски раскажувач, романописец, драматург, музиколог и борец за мир и демократија.

Познати се неговите дела „Жан Кристоф“, „Кола Брењон“, „Маѓепсана душа“, „Дантон“, потоа делата за животот на Бетовен, на Микеланџело и на Толстој.

Во 1915 година ја доби Нобеловата награда за литература.

Со заострувањето на политичките прилики во Европа сè повеќе се приближува кон левицата и се декларира како припадник на комунизмот. Оставил огромна коресподенција со Толстој, Ганди, Рилке и други истакнати негови современици.