shofla

Walon (Rifondou)

Etimolodjeye

Do viebe «shofler», avou l’ cawete « -a ».

Prononçaedje

AFE :
- diferins prononçaedjes : /ʃɔ.ˈfla/ /sɔ.ˈfla/ /ʃu.ˈfla/ (betchfessî sh), (oyon O.OU)
- prononçaedje zero-cnoxheu : /ʃɔ.ˈfla/
Ricepeures : sho·fla

Sustantif

singulî	pluriyal
shofla	shoflas

shofla omrin

(nén contåve) (mot d’ fiziolodjeye) haiteye manire di di respirer (sovint po dire k' ele n' est pus la).
- Dji sin vosse shofla e m' hanete — Motî Forir (fråze rifondowe).
- Il est court do shofla.
- Dj' a l' shofla ki n' va pus.
- On dvént vî, on n' a pupont d' shofla.
(pus stroetmint) (mot d’ medcén) manire di shofler court, målåjheymint, di cåze d' ene maladeye.
shoflaedje (accion d' shofler, çou k' est shoflé).
- Nos djins : omes, femes, efants, brokèt so des traeyins,
  Des fås, des påles, des hepes pwis s' metèt-st e-n alaedje
  Viè l' feu ki mancêye dizo l' shofla do vint !. — Louis Lagauche, "L' inmant", (1947), Li ponne dè gård di bwès, p. 148 (fråze rifondowe).
- Nonna nosse mame n’ est nén-st a blåmer.
  C’ est l’ shofla do Bon Diu k’ a-st ovré — Lucyin Mahin, redjårbant Stille Nacht.
(radoûcixhanmint) gueuye.
- Cwand Benwet a toumé al cårire, i s' a cassé l' djambe; il åreut mî fwait di s' casser l' shofla — Émile Pècheur (fråze rifondowe).
usteye po shofler, inte di zels li shoflet d' foidje.
- Purdant ene grawiete, li marixhå rmowe et rtaesse li feu; epwis, i tire kékes côps d' shofla pol rilancî — Marcel Léonard (fråze rifondowe).
(muzike) tchaeke touwire del shofelreye des ôres.
(mot d' moxhî) shoflet po-z efoumer les moxhes al låme.
(mot d’ meteyo) longue nûlêye tchessêye d' on grand vint, divant èn oraedje.
(pa stindaedje do sinse) pa rshonnance å shoflet d' foidje, toet ki s' drouve des calezes, des otos discapotåves.
- C' est ene vweture å shofla — Motî d’ Bastogne (fråze rifondowe).

Ratourneures

djus d’ shofla
ronfler come on shofla d’ foidje
buzea do shofla : boket do coir, come ene buze, metou inte li nez eyet l' peumon. On dit eto : tchenåle a l' air F. trachée.

Ortografeyes

Divant 1900 :

sofla : E212 ^(lére)

Après 1900, foû rfondou (Feller, Feller ricandjî, nén Feller) :

E rfondou walon :

shofla : R10 ^(lére), R13

Ratournaedjes

haiteye manire di respirer

Francès : souffle ^(fr)

manire di shofler court, målåjheymint

Francès : dyspnée ^(fr)

shoflaedje

Francès : souffle ^(fr), respiration ^(fr)

usteye po shofler

Francès : soufflet ^(fr)

shoflet po-z efoumer les moxhes

Francès : fumigène ^(fr)