Nürburgring
 | |
| Ligging | Nürburg, Duitsland |
|---|---|
| Tydsone | UTC+01:00 |
| Koördinate | 50°20′08″N 6°56′51″O / 50.33556°N 6.94750°O |
| FIA Gradering | 1 |
| Groot byeenkomste | FIA Formule Een Duitse Grand Prix Wêreldsuperfietskampioenskap Duitse Toermotor Meesters 24-uur Nürburgring 1000 km Nürburgring |
| GP-Strecke (2002–huidig) | |
| Baanoppervlak | Teer |
| Lengte | 5,148 km (3,199 mi) |
| Draaie | 16 |
| Rondterekord | 1:29.468 ( Michael Schumacher, Ferrari, 2004, Formule Een) |
| GP-Strecke (1984–2001) | |
| Baanoppervlak | Teer |
| Lengte | 4,556 km (2,831 mi) |
| Draaie | 12 |
| Rondterekord | 1:18.354 ( Juan Pablo Montoya, Williams, 2001, Formule Een) |
| Nordschleife (1983–huidig) | |
| Baanoppervlak | Teer/beton |
| Lengte | 20,81 km (12,93 mi) |
| Draaie | 154 |
| Rondterekord | 6:25.91 ( Stefan Bellof, Porsche 956, 1983, Wêreldsportmotorkampioenskap) |
Die Nürburgring is 'n beroemde renbaan in Duitsland, 70 km vanaf Keulen geleë. Die oorspronklike baan was 28,265 km lank maar is opgedeel in die sogenaamde Südschleife en Nordschleife. Die Südschleife het meestal motorfietsrenne gehou terwyl die gevaarlike Nordschleife baie motorrenne gehou het, insluitend Formule Een, Formule 2, Formule 3 en die 24-uuruithouren. Ná die Nordschleife te gevaarlik beskou is vir Formule 1 is 'n nuwe moderne baan van 4,5 km gebou in 1983 en geopen in 1984. Die ou baan is oorspronklik in 1927 gebou.
Formule Een
[wysig | wysig bron]In 1951 het die baan vir die eerste keer sy verskyning op die Formule Eenkalender gemaak maar het begin onveilig raak vir Formule Een in die laat 1960's. Die ren is in 1970 by Hockenheim gehou terwyl verbeterings aan die Nürburgring aangebring is en het tot 1976 op die kalender gebly, toe Niki Lauda 'n baie ernstige ongeluk gehad het wat die Nürburgring te gevaarlik beskou het vir Formule 1. In 1984 het die nuwe moderne baan die Europese Grand Prix aangebied en het die volgende jaar Hockenheim vervang as die gasheer van die Duitse Grand Prix.
Die baan het egter daarna eers weer in 1995 'n ren aangebied, naamlik die Europese Grand Prix en in 1997 en 1998 die Luxembourg Grand Prix. Sedert 1999 is die Europese Grand Prix eksklusief by die Nürburgring gehou tot 2007. Vanaf 2007 het die Nürburgring en Hockenheim beurte gemaak om slegs een Duitse wedren per jaar aan te bied. Die Nürburgring sou dus elke tweede jaar die Duitse Grand Prix aanbied omdat die Europese Grand Prix vanaf 2008 na Valencia verskuif is.
Die toekoms van die renbaan vir Formule Een is in die weegskaal, nadat bankrotskap verklaar is op 17 Julie 2012.
Merkwaardige Formule Eenrenne by Nürburgring
[wysig | wysig bron]1976
[wysig | wysig bron]Die laaste ren by die Nürburgring is oorskadu deur die groot ongeluk van Niki Lauda wat hom ernstig beseer het. James Hunt het die laaste ren by die Nürburgring gewen.
1995
[wysig | wysig bron]Jean Alesi het gedobbel deur droë bande te gebruik op 'n baan wat gedeeltelik nat was. Hy het kort voor lank 'n groot voorsprong opgebou totdat Michael Schumacher hom begin inhaal het. Met slegs twee rondtes oor, het Schumacher hom verbygesteek met 'n briljante verbysteektegniek.
1999
[wysig | wysig bron]Ná twee reënstorms gedurende die ren het die voorlopers in die kampioenskap gesukkel en ná dramatiese gebeure het Johnny Herbert die Stewartspan se eerste en laaste oorwinning behaal asook sy laaste oorwinning. Slegs 9 jaers kon die wedren voltooi.
2003
[wysig | wysig bron]Kimi Räikkönen het eerste weggespring en ná hy 'n voorsprong van 30 sekondes opgebou het, het sy enjin die gees gegee. Na 'n reeks dramatiese gebeure het Ralf Schumacher gewen terwyl Michael Schumacher met vyfde plek tevrede moes wees.
Nick Heidfeld was eerste op die wegspringrooster maar word vinnig deur Räikkönen verbygesteek vir eerste plek. Räikkönen se motor het aan die einde van die ren vibrasies gekry aan sy een voorwiel maar besluit om aan te hou en te probeer wen. Met een rondte oor het sy wiel afgebreek en hy het geen punte verdien nie, dus wen Fernando Alonso met Heidfeld tweede.
Kimi Räikkönen begin op die voorste wegspringplek, maar het teruggeval na hy die kuipe misgery het tydens 'n reënbui in die eerste rondte. Die dobbelspel van Markus Winkelhock om op 'n droë baan met natweerbande weg te spring het hom beloon, en hy loop later met 40 sekondes voor op die renbaan in sy debuutren. Sy droom word kortgeknip toe die veiligheidsmotor uitgestuur is na 7 motors by die eerste draai teen 'n hoë spoed van die baan afgegly het in stormagtige weer. Die ren is op die vierde rondte gestaak en het weer 20 minute later begin. Felipe Massa het amper heelpad voorgeloop totdat Fernando Alonso hom op 'n gewaagde manier verbygesteek het om te wen.