Թեոդորոս Բ Կիլիկեցի
| Թեոդորոս Բ Կիլիկեցի | |
|---|---|
| Ծնվել է | անհայտ[1] |
| Մահացել է | 1392[1] |
| Մահվան վայր | Սիս[1] |
| Մասնագիտություն | քահանա |
| Զբաղեցրած պաշտոններ | Ամենայն Հայոց Կաթողիկոս |
Թեոդորոս Բ Կիլիկեցի (անհայտ[1] - 1392[1], Սիս[1]), Ամենայն Հայոց կաթողիկոս 1382 թվականից։ Հաջորդել է Պողոս Ա Սսեցուն։ Ծննդյան թիվն ու կոնկրետ վայրն անհայտ են, հայտնի է, որ ծնվել է Կիլիկիայում։ Մահացել է 1392 թվականին Սիս քաղաքում։
Եղել է Սսի կաթողիկոսական աթոռի ամենաազդեցիկ միաբաններից։ Պողոս Ա Սսեցու գերեվարության շրջանում վարել է կաթողիկոսարանի գործերը։ 1382 թվականին կաթողիկոս է ընտրվել Կոստանդին Կիլիկեցի իշխանի հավանությամբ, այնուհետև վայելել է նաև Սսի ամիրայի աջակցությունը։ Պայքար է մղել Կիլիկիայում բուռն գործունեություն ծավալող կաթոլիկական միսիաների դեմ։ Մայր Աթոռից հեռացրել է լատին և լատինամետ հոգևորականներին։ 1392 թվականին սպանվել է Սսի նոր ամիրա Օմարի կարգադրությամբ։ Կաթողիկոսական գահին Թեոդորոս Բ Կիլիկեցուն հաջորդել է Կարապետ Ա Կեղեցին։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 1,6 1,7 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 172)։ 
|
| Նախորդող՝ Պողոս Ա Սսեցի |
Կաթողիկոս 1382–1392 |
Հաջորդող՝ Կարապետ Ա Կեղեցի |
