Հակոբ Գ Սսեցի
| Հակոբ Գ Սսեցի | |
|---|---|
| Մահացել է | 1411 |
| Մասնագիտություն | Eastern Orthodox priest |
| Զբաղեցրած պաշտոններ | Ամենայն Հայոց Կաթողիկոս |
Հակոբ Գ Սսեցի (1404-1411), Ամենայն Հայոց կաթողիկոս 1404 թվականից։ Հաջորդել է Կարապետ Ա Կեղեցուն։ Ծննդյան թիվն ու վայրն անհայտ են։ Թունավորվելով սպանվել է 1411 թվականին Սիս քաղաքում։
Նախապես եղել է Սսի կաթողիկոսական աթոռի բարձրաստիճան հոգևորականներից։ Գործուն մասնակցություն է ունեցել Կարապետ Ա Կեղեցու գահընկեցության և թունավորման գործում և կաթողիկոսական գահ է բարձրացել առանց ընտրության՝ Սսի իսլամադավան տիրակալ Ռամազան ամիրայի աջակցությամբ։ Ի նշան շնորհակալության՝ Հակոբ Գ Սսեցին կաթողիկոսարանի թանկարժեք շատ սպասքներ ընծայել է ամիրային։ Կաթողիկոս դառնալով՝ փորձել է բարելավել Կիլիկիայի եկեղեցիների տնտեսական վիճակը։ Թղթակցել է Գրիգոր Տաթևացու հետ, ում խորհրդով 1409 թվականին բանադրանքից ազատել է Աղթամարի աթոռը։
Մ. Չամչյանի անծանոթ աղբյուրը հավաստում է, որ Հակոբ Գ Սսեցին սպանվել է «ի միաբանից Հայրապետանոցին դեղ մահու արբուցեալ»։
Կաթողիկոսական գահին Հակոբ Գ Սսեցուն հաջորդել է Գրիգոր Ը Խանձողատը։
Գրականություն
[խմբագրել | խմբագրել կոդը]- Չամչյան Մ., Պատմութիւն Հայոց, հատ. Գ, Վենետիկ, 1786
- Օրմանյան Մ., Ազգապատում, հատ. Բ, Ս. Էջմիածին, 2001
| Նախորդող՝ Կարապետ Ա Կեղեցի |
Կաթողիկոս 1404–1411 |
Հաջորդող՝ Գրիգոր Ը Խանձողատ |
| ||||||
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |