Սառնակունք (գյուղ)

Սառնակունք
Գյուղ
	Սառնակունք
Երկիր	Հայաստան
Մարզ	Սյունիքի մարզ
Համայնք	Սիսիան (համայնք) \| Սիսիան համայնք
Այլ անվանումներ	Ազատաշեն, Աթխունի
Մակերես	41,72 կմ²
ԲԾՄ	2170 մ
Պաշտոնական լեզու	Հայերեն
Բնակչություն	474 մարդ (2011)
Ազգային կազմ	Հայեր,
Կրոնական կազմ	Հայ Առաքելական եկեղեցի
Տեղաբնականուն	սառնակունքցի
Ժամային գոտի	UTC+4
	Սառնակունք (գյուղ) (Հայաստան)
	Սառնակունք (գյուղ) (Սյունիքի մարզ)
	Սառնակունք Վիքիպահեստում

Անվան այլ կիրառումների համար տե՛ս՝ Սառնակունք (այլ կիրառումներ)

Սառնակունք, գյուղ Հայաստանի Սյունիքի մարզի Սիսիան համայնքում^[1]։

Անուն

Գյուղի պաշտոնական անունը Սառնակունք է^[1]։ Խորհրդային Միության սկզբնական շրջանում կոչվել է Սայբալու։ Սառնակունք է վերանվանվել 1946 թվականին։

Աշխարհագրություն

Գտնվում է Որոտան գետի ձախ կողմում` սարահարթին, ծովի մակերևույթից մոտ 2100 մ բարձրության վրա։ Հեռավորությունը Սյունիքի մարզի մարզկենտրոն Կապան քաղաքից ճանապարհով կազմում է մոտ 115 կմ, իսկ Սիսիան քաղաքից հեռու է մոտ 18 կմ դեպի հյուսիս-արևմուտք, Երևան-Գորիս ավտոմայրուղու վրա։

Պատմություն

Գյուղն հիմնադրվել է 1920-ականներին։ Հիմնական բնակիչները եղել են ղալաջուղցիները, ովքեր թողնելով ձորում գտնվող իրենց հին բնակավայրը բարձրացել և նոր գյուղ են հիմնել բարձր լեռնային գոտում։ Սառնակունքից 10 կմ հս-արևելք առկա են մ.թ.ա. VIII-VII հազ. ժայռապատկերներ, որոնք ապացուցում են, որ տարածքը բնակեցված է եղել դեռևս նախնադարում։ Գյուղի հյուսիսարևելյան մասում տեղակայված են եղել Ձկնարած, Բերդ, Բերդաշեն և Մուխրաբակ ավերակ գյուղերը։

1945 թվականին Սառնակունքում հայտնաբերվել են հնագույն հայկական դրամներ, որոնց մեջ կային նույնիսկ Տիգրան Մեծի և Արտավազդ II-ի ժամանակներում հատված դրամներ։

Պատմամշակութային հուշարձաններ

Բնակչություն

Համաձայն 2011 թվականին Հայաստանում անցկացված մարդահամարի արդյունքների՝ Սառնակունքի մշտական բնակչությունը կազմել է 474, առկա բնակչությունը՝ 444 մարդ^[2]։ Բնակիչները հայեր են^[3]^[4], որոնց նախնիները եկել են Նախիջևանից, Ջուղայից, նախկին Ղալաջուղ գյուղից և Սիսիանից^[4]։ Ստորև ներկայացված է Բռնակոթ գյուղի բնակչության թվային փոփոխությունն ըստ տարիների^[4].

Տարի	1926	1939	1959	1970	1979	1989	2001	2011
Բնակիչ	363	744	703	658	539	434	514^[5]	474^[2]

Գյուղատնտեսություն

Սառնակունքի գյուղատնտեսության հիմնական ուղղություններն են անասնապահությունը և դաշտավարությունը։ Գյուղացիները զբաղվում են հացահատիկի մշակմամբ, մանր ու խոշոր եղջերավոր անասունների բուծմամբ, ինչպես նաև մեղվաբուծությամբ^[6]։

Տես նաև

Սառնակունքի գանձ

Ծանոթագրություններ

↑ ^1,0 ^1,1 ^1,2 Տեղեկություններ Սիսիան համայնքի մասին Սյունիքի մարզի մարզպետարանի կայքում, (արխիվացված 27․11․2023 թվական)։
↑ ^2,0 ^2,1 ^2,2 2011 թ Հայաստանի մարդահամարի արդյունքները
↑ Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
↑ ^4,0 ^4,1 ^4,2 «Հայաստանի և հարակից շրջանների տեղանունների բառարան», հտ. 4, էջ 502
↑ 2001 թ Հայաստանի մարդահամարի արդյունքները
↑ «Մութ ժամերին Սառնակունք գյուղում տեղաշարժվելը վտանգավոր է ու դժվար». «Առավոտ». Հոկտեմբերի 19, 2012 թ.(չաշխատող հղում)

Արտաքին հղումներ

Էջը Սյունիքի մարզպետարանի կայքում Արխիվացված 2012-04-06 Wayback Machine

Վիքիպահեստն ունի նյութեր, որոնք վերաբերում են «Սառնակունք (գյուղ)» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 189)։

[syunik.mtad_Սիսիան_համայնք-1] 1,0 ^1,1 ^1,2 Տեղեկություններ Սիսիան համայնքի մասին Սյունիքի մարզի մարզպետարանի կայքում, (արխիվացված 27․11․2023 թվական)։

[census2011-2] 2,0 ^2,1 ^2,2 2011 թ Հայաստանի մարդահամարի արդյունքները

[hay_bnak-3] Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»

[texanunneri_bararan-4] 4,0 ^4,1 ^4,2 «Հայաստանի և հարակից շրջանների տեղանունների բառարան», հտ. 4, էջ 502

[census2001-5] 2001 թ Հայաստանի մարդահամարի արդյունքները

[6] «Մութ ժամերին Սառնակունք գյուղում տեղաշարժվելը վտանգավոր է ու դժվար». «Առավոտ». Հոկտեմբերի 19, 2012 թ.(չաշխատող հղում)

[1]

[2]

[3]

[4]

[5]

[6]